Režysior Kira Muratava ličyć ahidnym toje, što Rasija robić z Ukrainaj. Pra heta jana skazała ŭ intervju časopisu «Snob».
«Ja lublu Majdan. Jon natchniŭ mianie niejak šalona, tamu što tam byli ŭ asnoŭnym ludzi-idealisty, a nie tyja, jakija pryjšli potym i stali zmahacca za ŭładu… Siarod hetych zmaharoŭ roznyja byli. Na Majdanie taksama milhali roznyja, byŭ i usialaki zbrod, ale ŭ asnoŭnaj masie heta byli ludzi, jakija dajšli da takoha stanu adčaju i baraćby, što ŭžo nie bajalisia śmierci. Razumiejecie… Ja hladzieła televizar z ranicy da nočy (i časam z nočy da ranicy) — pakazvali Majdan. Jon byŭ cudoŭny», — skazała Muratava.
Taksama jana prakamientavała aneksiju Kryma Rasijaj.
«Nakont Kryma… Ja nie viedaju, ci było praŭdzivym hałasavańnie, ja šmat roznych viersij čuła… Ale tam šmat ruskich ludziej, jakija chočuć u Rasiju… Dy i čort ź im, z Krymam, voś tak ja sabie dumaju. U rešcie rešt, aby pakinuli Ukrainu ŭ spakoi. Voś kab pakinuli jaje ŭ spakoi! Ukrainu astatniuju. Kali ŭžo tak naohuł adbyłosia…» — skazała Muratava.
Jana ličyć niemahčymym viartańnie Kryma Ukrainie.
«Ja ciarpieć nie mahu baraćbu za terytoryju. Žyviolnuju baraćbu. Jak koški zmahajucca… sabaki… dzikija žyvioły. Heta i ŭ ludziej jość. Ale heta ahidna! Ja nie liču, što treba viartać Krym, tym bolš, što heta niemahčyma. Ale chaj pakinuć Ukrainu…» — skazała režysior.
«Ukraina choča być asobna. Voś takaja maleńkaja słabaja kraina choča być asobna. Niadobra, kali mocny pryhniataje słaboha, zahadzia viedajučy, što jon macniej. Heta nie prosta niadobra, a heta podła. Tak ja liču. Ja spadziajusia, što jany spyniacca i nie stanuć bolš prystavać…» — vykazała nadzieju Muratava.
Ciapier čytajuć
Zahinuŭ biełaruski dobraachvotnik Vasil «Dzir» Rapicki10
Kamientary