Jak pieradaje karespandent UNIAN, siarod mitynhoŭcaŭ amal 50 čałaviek u kamuflažy, broniekamizelkach, kaskach, maskach i z aŭtamatami.
Z boku milicyi byli ŭžytyja hranaty, mitynhoŭcy kinuli «kaktejl Mołatava» ŭ bok milicyi, zatym adbyŭsia nievialiki abstreł budynka. Infarmacyi ab paciarpiełych niama, bolš strełaŭ nie było.
Natoŭp skanduje «Rasija!», «Danbas!», na budynku milicyi, jak i na ŭsich astatnich zachoplenych abjektach, ŭstalavany ściah RF.
Adzin ź sieparatystaŭ vystupiŭ pierad mitynhoŭcami i paprasiŭ abyścisia biez maradziorstva i vandalizmu. Pry hetym tabličku Upraŭleńnia MUS demanstratyŭna raźbili.
Sieparatysty zajavili, što načalnik Hałoŭnaha ŭpraŭleńnia UMUS Ukrainy ŭ Łuhanskaj vobłaści Uładzimir Husłaŭski padaŭ u adstaŭku.
«Na jaho miesca pryznačany naš čałaviek Anatol Navumienka», — zajaviŭ adzin ź sieparatystaŭ.
Zaraz rychtujucca, kab vypuskać pravaachoŭnikaŭ praz žyvy kalidor.
«Heta našy 18-hadovyja chłopcy z Łuhanska, Zaparožža i Adesy, ŭnutranyja vojski, nichto ź ich nie budzie stralać u nas. Vypuścicie ich žyvymi i zdarovymi», — źviarnuŭsia da mitynhoŭcaŭ sieparatyst.
Nahadajem, siońnia ŭ Łuhansku ekstremisty zachapili ODA, telebačańnie i prakuraturu.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak6
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary