U Łuhanskaj vobłaści šturmaviki zachapili abładministracyju i Pieršamajski harsaviet
U Łuhansku pryblizna dźvie tysiačy ŭdzielnikaŭ mitynhu rušyli ad zachoplenaha budynka SBU u kirunku abłdziaržadministracyi, bo siońnia, 29 krasavika, u 14.00 skončyŭsia termin ultymatumu, abjaŭlenaha zachopnikami budynku SBU. U liku patrabavańniaŭ da ŭłady: amnistyja ŭsich źniavolenych sieparatystaŭ, praviadzieńnie refierendumu ab samavyznačeńni rehijonu, admiena pavyšeńnia koštaŭ i taryfaŭ, a taksama nadańnie ruskaj movie statusu dziaržaŭnaj.
Mitynhoŭcy vybili vokny budynka Łuhanskaj abłdziaržadministracyi i ŭvarvalisia ŭnutr, paviedamlaje karespandent «OstroVa».
Nad budynkam ciapier ściahi Rasijskaj Fiederacyi i «Łuhanskaj narodnaj respubliki».
Natoŭp skanduje «Refierendum!», «Danbas!» «Rasija!», «Milicyja z narodam» i patrabuje pryciahnuć da adkaznaści hubiernatara Łuhanskaj vobłaści Michaiła Bałotskich.
Pravaachoŭniki pierajšli na bok mitynhoŭcaŭ i nadzieli hieorhijeŭskija stužki. Mitynhoŭcy barykadujuć dźviery ODA znutry.
Raniej, u 12 hadzin usich supracoŭnikaŭ ODA evakuiravali z budynka.
A ŭ horadzie abłasnoha padparadkavańnia Pieršamajsk sieparatysty zachapili budynak harsavieta. Nad im uźniali ściah «Łuhanskaj respubliki», z usich ustanoŭ horada nacyjanalnyja ściahi źniatyja pa zvanku z vykankama.
«Dumaju, što na hetym tydni abmiežavany kantynhient ŭvojdzie ŭ Łuhanskuju i Danieckuju vobłaści. U haradach adbyvajucca teatralizavanyja ŭziaćci šturmam haradździełaŭ milicyi i vykankamaŭ. Choć nichto ich i nie abaraniaje. Cimašenka sa svaimi čarciami, premjer-ministram Jacaniukom, v.a. prezidenta Ukrainy Turčynavym i ministram MUS Avakavym faktyčna addała Danbas, a karumpavanyja čynoŭniki i mianty radasna sustrakajuć «braterskich dyviersantaŭ». 11-ha maja refierendum…» — cytuje UNIAN zapis u Facebook aktyvista ź Pieršamajska Siarhiej Čuba.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary