Čamu rasijskija šturmaviki zachapili mienavita Słaviansk? Akazvajecca, pobač stratehičnyja składy sa zbrojaj
2 maja ŭ Słaviansku ŭ Danieckaj vobłaści adnaviłasia antyterarystyčnaja apieracyja suprać rasijskich bajevikoŭ. Čamu mienavita Słaviansk jany vybrali svajoj mišeńniu? Čamu mienavita hety nievialiki horad staŭ centram uzbrojenaha supraćstajańnia?
Na toje jość kankretnaja startehičnaja pryčyna.
Va Ukrainie jość starehičnyja składy sa strałkovaj zbrojaj, zakładzienyja na vypadak mabilizacyi jašče za savieckimi časami. Kolkaść aŭtamataŭ na takich składach aceńvajecca prykładna ŭ 5 miljonaŭ adzinak. Ukraina nieadnarazova namiakała, što moža adkryć składy dla nasielnictva, hatovaha adbivacca ad rasijskaha napadu — sapraŭdny kašmar dla Rasii, kali taja zadumała ŭvarvańnie va Uschodniuju Ukrainu.
I pałova z hetych piaci miljonaŭ znachodzicca na składach la Słavianska.
Heta tłumačyć aktyŭnyja manieŭry abodvuch bakoŭ. Kali ŭ inšych haradach sieparatysty zachoplivali administracyjnyja budynki dziela palityčnych i simvaličnych metaŭ, u Słaviansku siepratysty efiektyŭna kantralavali ŭvieś horad całkam, tym samym adabraŭšy va ŭkrainskaha ŭrada kantrol nad składami zbroi.
Vybar Słavianska ŭ jakaści mišeni moža śviedčyć ab tym, što Rasija nie vyklučaje ŭvarvańnia va Uschodniuju Ukrainu. I Słaviansk hraje ŭ hetym vialikuju rolu, niesupastaŭnuju ź jaho palityčnaj i industryjalnaj vartaściu.
Taksama jość śviedčańni taho, što ŭ šerahach słavianskich sieparatystaŭ prysutničajuć instuktary z Razanskaj akademii pavietrana-desantnych vojskaŭ. Jany mohuć zabiaśpiečvać kaardynacyju dziejnaści sieparatystaŭ i rasijskich vojskaŭ na miažy z Ukrainaj.
Try vajskovyja kałony z tankami, bronietransparciorami i dvanaccaćciu viertalotami z paznakami «miratvorčyja vojski» byli zaŭvažanyja ŭ ruchu da miažy z Ukrainaj pa rasijskaj šašy M4 24 krasavika.
U Ženieŭskim pahadnieńni ad 17 krasavika jość značnyja niedapracoŭki: jano nie limituje ni kolkaści naziralnikaŭ, jakija mohuć sačyć za ŭstalavańniem miru, ni ich prynaležnaści da niejkaj struktury. Adnak jakim by čynam Rasija ni apraŭdała ŭviadzieńnie svaich vojskaŭ, ich metaj budzie padtrymka sieparatystaŭ u Słaviansku ŭ dziejańniach suprać vojskaŭ Ukrainy.
-
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
-
Minsku treba vydušyć ź siabie pravincyjnaść i viarnuć nachabstva i blask Vialikaha Horada
-
Kamu jašče što moža stać treba «dla nacyjanalnaj biaśpieki» i jak tut być Biełarusi
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio46
Kamientary