Źjaŭleńnie sučasnaha stadyjona ŭ Barysavie — hrandyjoznaja padzieja dla biełaruskaha futboła.
Cyrymonija adkryćcia sučasnaha stadyjona ŭ Barysavie pačałasia z kancertnaj prahramy. Vystupiła hrupa «Ciani-tałkaj». Udzieł u adkryćci braŭ ŭdzieł śpiavak Aleh Hazmanaŭ.
Stadyjon byŭ zapoŭnieny na 70 adsotkaŭ. Publika čakała pajaŭleńnia Alaksandra Łukašenki. Na stadyjonie prysutničali daradca prezidenta Natalla Piatkievič, staršynia praŭleńnia AAT «Bank raźvićcia Respubliki Biełaruś» Siarhiej Rumas, staršynia praŭleńnia futbolnaha kłuba BATE Anatol Kapski (hł. fota).
Fotakarespandentu «Našaj nivy» fatahrafavać Łukašenku nie dazvolili. Da kiraŭnika dziaržavy dapuskajuć tolki jahony puł.
Padčas vystupleńnia Alaksandr Łukašenka niekalki razoŭ padkreśliŭ, što «my pabudavali vyklučna futbolny stadyjon. Nie chakiejny». Paśla hetaj frazy pačulisia apładysmienty, pieradaje by.tribuna.com.
Alaksandr Łukašenka adznačyŭ, što kompleks adpaviadaje samym vysokim standartam UEFA i zdolny prymać lubyja jeŭrapiejskija spabornictvy až da Lihi čempijonaŭ i Lihi Jeŭropy.
«Upeŭnieny, što futbolny stadyjon sapraŭdy kaśmičnych formaŭ stanie jašče adnoj vizitnaj kartkaj Biełarusi, viadomaj va ŭsim śviecie».
«Vašaj kamandzie ŭžo nie pryjdziecca badziacca pa haradach i viesiach», — skazaŭ kiraŭnik dziaržavy, majučy na ŭvazie barysaŭski futbolny kłub «BATE». Junym futbalistam — vychavancam barysaŭskaha futbolnaha kłuba — Łukašenka pieradaŭ simvaličny kluč ad «Barysaŭ-Areny».
Kapitany kamand «Niomana « i « Šachciora» — finalistaŭ Kubka Biełarusi pa futbole, čyj pajadynak prachodzić ŭviečary na novaj arenie, ŭručyli kiraŭniku dziaržavy miač z aŭtohrafami hulcoŭ.
«Kožny mietr pavinien prynosić hrošy», — adznačyŭ Łukašenka padčas znajomstva sa stadyjonam.
U suviazi z hetym kiraŭniku dziaržavy dałažyli ab tym, jak u dalejšym płanujecca vykarystoŭvać mahčymaści kompleksu dla jaho akupajemaści i atrymańnia prybytku. U płanach, u pryvatnaści, — pradać kamiercyjnuju nazvu stadyjona, a taksama maksimalna vykarystoŭvać arenu dla matčaŭ roznaha ŭzroŭniu.
«Barysaŭ-Arena» ŭjaŭlaje saboj čysta futbolny stadyjon, raźličany na bolš jak 13 tys. miescaŭ. Jon adpaviadaje patrabavańniam čaćviortaj katehoryi UEFA i daje mahčymaść pravodzić nie tolki pajadynki kvalifikacyjnych stadyj jeŭrakubkaŭ, ale i sustrečy hrupavoha etapu i płej-of Lihi čempijonaŭ i Lihi Jeŭropy.
Budaŭnictva novaha stadyjona ŭ Barysavie pačałosia 12 listapada 2010 h.. prajektavańnie stadyjona było daručana słavienskaj firmie Ofis arhitekti. Za ŭzor byŭ uziaty stadyjon «Ludski Vrt « ŭ Marybory.
Vialikaja ŭvaha pry prajektavańni stadyjona było nadadziena pytańniam biaśpieki. Fanaty-hości mohuć tut uvachodzić na svaje siektary praz asobny ŭvachod biez kantaktu z zaŭziatarami kamandy — haspadara pola.
Asnoŭnym arandataram fizkulturna-spartyŭnych zbudavańniaŭ abjekta vystupić futbolny kłub «BATE».
Stadyjon raźmiaščajecca ŭ krokavaj dastupnaści ad čyhunačnaj stancyi, praź jakuju prachodziać ciahniki da Oršy, Žodzina, Smalavič i Minska.
Kamientary