Kolki čałaviek było zatrymana padčas Tydnia Voli ŭ Miensku? Aficyjnyja źviestki j paviedamleńni pravaabaroncaŭ roźniacca.
Kolki čałaviek było zatrymana padčas Tydnia Voli ŭ Miensku? Aficyjnyja źviestki j paviedamleńni pravaabaroncaŭ roźniacca.
Pravaabaroncy kažuć pra bolš čym tysiaču zatrymanych tolki ŭ stalicy 19–25 sakavika i 150 preventyŭna zatrymanych u rehijonach na praciahu sakavika. Hienprakuror Biełarusi Pia-tro Mikłaševič ža paviedamiŭ, što 19–25 sakavika ŭ Miensku byli zatrymanyja «bolš za 500 čałaviek». Ź ich administracyjnyja aryšty terminam na 10 sutak atrymali 288 čałaviek, na 15 sutak – 112 čałaviek. 53 niepaŭnaletnich milicyjanty adpuścili.
Prakuror nie pryvioŭ statystyki zatrymanych na 3, 4, 5, 7, 8, 9 sutak. Ich lik (niaciažka spraŭdzić pa chronicy zatrymańniaŭ) idzie na dziasiatki. Tak, hetki termin zvyčajna prysudžali dziaŭčatam, siem sutak atrymlivali i mnohija mužčyny. Nie ŭvaj-šli ŭ prakurorski padlik tyja, chto adsiedzieŭ 2–3 sutak i byŭ potym pakarany štrafam.
Što pakazvajuć śpisy proźviščaŭ zatrymanych i asudžanych, składzienyja pravaabaroncami? Za pieršyja sutki stajańnia namiotavaha haradka było zatrymana 108 čałaviek – usie imiony viadomyja. Za druhija – jašče kala 100. Kolkaść zatrymanych za trecija sutki nieviadomaja, ale naŭrad ci jana była značna mienšaj. U noč šturmu z płoščy było vyvieziena kala 450 čałaviek. Pavodle roznych źviestak, 25 sakavika padčas razhonu mirnaj demanstracyi było zatrymana nia mieniej za 50 čałaviek. Vychodzić, kala 800 proźviščaŭ.
Sudy nad zatrymanymi pravodzilisia śpiešna i ŭ mnohich vypadkach niepublična: imiony mnohich z asudžanych stanoviacca viadomymi tolki ciapier. Mnohija niadaŭnija «nasielniki Akreścina» raspaviadajuć, što ź imi ŭ kamerach siadzieli ludzi, čyich imionaŭ niama ni ŭ jakich śpisach paciarpiełych. Tamu nia dziŭna, kali viadomy lik zatrymanych u Miensku 19–25 sakavika moža nieŭzabavie jašče ŭzraści.
-
Žurnalistka «Sputnika» źviartajecca da Łukašenki: jaje syn pastupiŭ u Vyšejšuju škołu ekanomiki ŭ Maskvie, a doma na jaho zaviali kryminałku
-
Były supracoŭnik «Bietery» zapisaŭ vialikaje videa pra heta anłajn-kazino. Ciapier u jaho prablemy ź milicyjaj
-
U Minsku raźvitalisia z paetam Uładzimiram Karyznam, aŭtaram słoŭ da ciapierašniaha dziaržaŭnaha himna Biełarusi
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary