Užo niekalki tydniaŭ u ŚMI hučyć taki termin jak «hibrydnaja vajna» — sučasnaja forma ŭzbrojenaha supraćstajańnia, jakoje viaduć nia ŭradavyja ŭzbrojenyja siły, a ŭzbrojenyja hrupoŭki, što nie pryznajuć svaju prynaležnaść da niejkaj dziaržavy. Va ŭkrainskim vypadku — heta tak zvanyja «zialonyja čałaviečki», jakija dziejničajuć razam z pradstaŭnikami miascovaha nasielnictva. Što dziaržava moža procipastavić hibrydnaj vajnie?
«Vielmi važna vyjhravać rozumy i sercy ludziej, jakija pražyvajuć na hetych terytoryjach, — skazaŭ u intervju radyjo «Svaboda» biełaruski palitołah Aleś Łahviniec. — Treba źviarnuć uvahu, što pavodle ŭsich apytańniaŭ bolšaść ukraincaŭ navat va ŭschodnich rehijonach vystupaje za adzinstva Ŭkrainy. I kaniečnie, treba spynić hvałt uzbrojenych separatystaŭ. Kaniečnie, heta hibrydnaja vajna, kali dziejańni adbyvajucca nie z dapamohaj armii, a z dapamohaj nieidentyfikavanych uzbrojenych hrupovak. Rasieja hrebuje mižnarodnym pravam u kožnym vypadku. Rasieja budzie pryznanaja ahresaram, kali budzie dalejšaja eskalacyja vajskovych dziejańniaŭ va Ŭkrainie — dla mianie heta vidavočna».
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach9
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary