Sańnikaŭ: U represijach u Biełarusi vinavaty staršynia MFCH Renie Fazel
Adzin z byłych lidaraŭ biełaruskaj apazicyi, eks-kandydat u prezidenty Andrej Sańnikaŭ zajaviŭ u Varšavie, što ŭzmacnieńnie represij u Biełarusi naŭprost źviazana z praviadzieńniem čempijanatu śvietu pa chakiei ŭ Minsku.
«Na žal, situacyja siońnia nie palapšajecca, — cytuje Andreja Sańnikava sajt «Chartyja-97».
«Nielha nie ŭspomnić, što represii raspačalisia z novaj siłaj, asabliva ŭ suviazi z čempijanatam śvietu pa chakiei. U dadatak da dzieviaci palitviaźniaŭ jašče 32 čałavieki kinuli ŭ turmu. Niemahčyma siońnia nie dumać pra Źmitra Daškieviča, jaki niadaŭna vyjšaŭ z-za krataŭ i ni za što trapiŭ nazad u turmu, pra Alaksandra Franckieviča — byłoha palitźniavolenaha, jakoha znoŭ pasadzili za kraty, pra Maksima Viniarskaha, jaki 12 sutak trymaŭ haładoŭku, u tym liku i suchuju. Možna taksama ŭzhadać pra toje, što ŭ Biełaruś nie ŭpuścili jeŭraparłamientaryja Mareka Mihalskaha, jaki zaklikaŭ, kab hety čempijanat byŭ pieraniesieny ŭ inšaje miesca. Hetuju inicyjatyvu padtrymali mnohija palityki, hramadskija dziejačy, akciory, pravaabaroncy. Usie jany źviartalisia niepasredna da kiraŭnika Mižnarodnaj fiederacyi chakieja. Siońnia nieabchodna zajavić pra pramuju adkaznaść MFCH i jaje staršyni Renie Fazela za toje, što adbyvajecca ŭ Biełarusi. Całkam vidavočna, što ŭsie apošnija padziei naŭprost źviazanyja z praviadzieńniem čempijanatu ŭ Minsku».
Kamientary