Navadvorskaja pra ŭkrainskich sieparatystaŭ: «Nie tolki zdradniki, ale i idyjoty»

Miarkujučy pa «refierendumie», u Maryupali, Słaviansku, Daniecku i Łuhansku jość nie tolki zdradniki Ukrainy, ale i fantastyčnyja idyjoty, jakija trapili ŭ rasijskuju pastku, pierakananaja dysident i publicyst Valeryja Navadvorskaja.

«Usim žycharam paŭdniovaha ŭschodu Ukrainy, jakija tak horača žadajuć uvajści ŭ skład Rasii, skažu adno: vy — drennyja hramadzianie dla luboj dziaržavy, tamu što zdradnikami pahardžajuć usiudy. Upeŭnienaja, kali chtości daść daražej, čym Rasija, vy chutka abvieścicie jašče adzin «refierendum». Ale nichto ničoha vam užo nie daść. Rasija, darečy, taksama, zarubicie ŭ siabie na nosie», — zajaŭlaje jana.

«U Krymie «hramadzianie» taksama maryli ab rasijskim rai. Ciapier ža na paŭvostravie źbirajucca ŭvodzić praduktovyja kartki, a vadu praviaduć da 2017 hoda. Pakul ža rasijskija krymčanie pasiadziać biez vady.

U lubimaha vami Uładzimira Pucina absalutna niama srodkaŭ, kab prakarmić Danieckuju i Łuhanskuju «narodnyja respubliki».

Nahadaju, što vuhalnyja šachty ŭ Rastoŭskaj vobłaści daŭno začynienyja z-za nierentabielnaści. Tak što, darahija prarasiejskija žychary paŭdniovaha ŭschodu Ukrainy, vy nie atrymajecie ad Pucina navat biezdapamožnych 30 srebranikaŭ. I «refierendum» 11 maja lišni raz dakazaŭ: vy nie tolki zdradniki, ale fantastyčnyja, da histaryčnaha biaspamiactva, idyjoty. Rasijskaja miaža niedaloka, mahli b na ekskursiju źjeździć, pahladzieć na «pucinski raj». Uvohule, vašym dzieciam i ŭnukam daviadziecca doŭha raspłačvacca za vašaje ŭłasnaje hłupstva.

U Charkaŭskaj vobłaści nijakaha šabašu z hałasavańniem nie pravodziać. Čamu? Nie chapaje zdradnikaŭ navat na toje, kab zymitavać «refierendum». A voś u Maryupali, Słaviansku, Daniecku i Łuhansku zdradniki i kłasičnyja idyjoty znajšlisia. Jany zachacieli trapić u rasijskuju pastku. Voś tolki mała honaru dla myšy być złoŭlenaj ŭ padobnuju tannuju pastku.

Kali b ZŠA, jakija prarasiejskija tavaryšy tak nienavidziać, prapanavali b «narodnym respublikam» uvajści ŭ svoj skład (a ŭ Amierycy piensija ŭ 20 razoŭ vyšejšaja za rasiejskuju), — jany b pabiehli na złom hałavy.

Voś tolki takoje barachło navat Rasieja padbirać nie budzie. Kali vy tak marycie ab pucinskaj Rasii, dyk pierasialajciesia, a ŭkrainskuju terytoryju pakińcie ŭ spakoi.

Ja pierakananaja: kali Ukraina nie dabje hadzinu ŭ vyhladzie rasijskaj piataj kałony, to hadzina dabje Ukrainu. Sieparatystam prapanoŭvali ŭsio: i decentralizacyju, i status ruskaj movy, i samakiravańnie. Ale jany vybrali rolu Judy. Tolki Juda sam paviesiŭsia, a hetyja viešacca nie źbirajucca, jany chočuć paviesić ŭsiu Ukrainu. Tyja, chto zaadno z ahresaram — zdradniki, vorahi i zdradniki. Ab ich doli možna nie kłapocicca, ale

aficyjny Kijeŭ pavinien vyjhrać bitvu na Danbasie, inakš prajhraje ŭsiu Ukrainu.

Nieabchodna ŭsie ŭkrainskija vojski (akramia tych, što achoŭvajuć piaresmyk, jaki adździalaje Krym) terminova pierakinuć na ŭschodnija miežy. Zaraz kałarady zajaviać, što na «refierendumie» za adździaleńnie ad Ukrainy prahałasavała 80% žycharoŭ Danbasa. Niaciažka zdahadacca, što budzie dalej. Pucinu patrebien Danbas, jak aporny punkt dla taho, kab dalej raspaŭzacca pa ŭsioj Ukrainie kałaradami i hrušnikami. Ukrainskija ŭłady zanadta doŭha važdalisia ź sieparatystami. Nielha było dapuskać «refierendum«. U krajnim vypadku, treba było padniać samaloty i razbambić zachoplenyja budynki».

• 0
• 0
• 0
• 0
• 0
• 0
• 0
• 0