Viečaram 23 maja ŭ mikrarajonie Sialmašaŭski na vulicy Fadziejeva ŭ Homieli ŭpała lichtarnia. Pry padzieńni aśviatlalnaja apora začapiła dźviuch žančyn, jakija ŭ toj momant išli pa tratuary, adna ź ich kaciła kalasku z małym dziciom. Dzicia nie paciarpieła — žančyna paśpieła adšturchnuć kalasku.
Jak paviedamlajuć va UUS abłvykankama, z papiarednim dyjahnazam «strasieńnie mozhu i zrušeńnie šyjnaha chrybietnika» adnu z paciarpiełych špitalizavali ŭ abłasnuju balnicu. Druhaja žančyna atrymała traŭmu žyvata, i paśla akazańnia mieddapamohi jaje adpuścili dadomu, paviedamlaje pres-słužba UUS Homielskaha abłvykankama.
Akaličnaści zdareńnia ŭstanaŭlivajuć supracoŭniki 2-ha haradskoha adździaleńnia milicyi Čyhunačnaha AUS, jakoje raźmieščana pa vulicy Fadziejeva.
Pavodle źviestak milicyi, aśviatlalnyja apory znachodziacca ŭ viedańni homielskaha pradpryjemstva «Harelektratranspart». Słupy na hetym učastku vulicy ŭstanoŭleny ŭ 1991 hodzie, termin ich słužby 40—50 hadoŭ. Pry hetym kožnyja paŭhoda kanstrukcyi pavinny prachodzić pravierku. Kali jana pravodziłasia apošnim razam, vyśviatlajecca. Taksama pryznačana ekśpiertyza, jakaja ŭstanović pryčynu padzieńnia aśviatlalnaj apory.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary