Mabilny apieratar velcom z 27 maja pavialičyŭ košt niekatorych taryfnych płanaŭ i pasłuh. Z ulikam zapłanavanych źmien siaredni košt padaražeje prykładna na 9%, paviedamili ŭ pres-słužbie kampanii.
«Uličvajučy dasiahnuty z pačatku hoda ŭzrovień inflacyi, z 27 maja ŭ taryfnych płanach (za vyklučeńniem karparatyŭnych i śpiecyjalnych) źmianiajecca vieličynia abanienckaj płaty, košt vychodnych hałasavych nacyjanalnych vyzavaŭ», — paviedamili ŭ pres-słužbie. Taksama pavialičycca košt taryfaŭ niekatorych dadatkovych pasłuh, u tym liku pasłuh, jakija akazvajucca ŭ partniorstvie z kantent-pravajderami.
Košt asnoŭnych pasłuh (hałasavoha trafiku, SMS, MMS, mabilnaha Internetu) u ramkach usich taryfnych płanaŭ liniejki PRIVIET i «Suviaź biez abaviazacielstvaŭ» zastajecca na raniejšym uzroŭni.
Bieź źmienaŭ zastajecca košt videavyzavaŭ, vychodnych hałasavych mižnarodnych vyzavaŭ, hałasavych vyzavaŭ i abanienckaja płata taryfnaha płana «Sacyjalny», abanienckaja płata taryfnych płanaŭ liniejki Telemietryja.
Padvyšeńnie nie zakranie taksama štomiesiačnyja płaciažy za abstalavańnie, nabytaje ŭ rasterminoŭku.
«Z 10 červienia źmieny zakranuć karparatyŭnyja i śpiecyjalnyja taryfnyja płany, pryznačanyja dla jurydyčnych asob, a mienavita: abanienckuju płatu i košt vychodnych hałasavych nacyjanalnych vyzavaŭ. Adbudziecca pavieličeńnie koštu pasłuh pieradačy dadzienych, SMS i MMS ŭ taryfnych płanach z abanienckaj płataj», — dadali ŭ kampanii.
Z novymi cenami na pasłuhi suviazi možna budzie aznajomicca na sajcie kampanii, a taksama pa telefonach daviedačna-infarmacyjnaj słužby 411 (kruhłasutačna, zvanki z mabilnaha telefona ŭ sietcy velcom biez spahnańnia apłaty) abo 150.
Kamientary