Bresckija aktyvisty AHP patrabujuć adnaŭleńnia ŭ horadzie tranślacyi ŭkrainskich telekanałaŭ
Adpaviednaja zajava była pryniata padčas praviadzieńnia Bresckaj abłasnoj spravazdačna-vybarčaj kanfierencyi Abjadnanaj hramadzianskaj partyi.
Nahodaj dla zajavy stała toje, što apieratary televizijnych kabielnych sietak Bresta prypynili viaščańnie ukrainskich telekanałaŭ «1+1» i «Inter»,
spasłaŭšysia na pastanovu Savieta Ministraŭ Biełarusi.
Na dumku aktyvistaŭ AHP, nazvanyja telekanały ŭ svaich prahramach navin byli adzinymi, chto adlustroŭvaŭ pazicyju Ukrainy «ŭ hety ciažki i trahičny dla krainy pieryjad». Takim čynam, havorycca ŭ zajavie,
dla tysiač bieraściejcaŭ — uradžencaŭ Ukrainy, «adklučeńnie kanałaŭ abarvała televizijnuju suviaź z histaryčnaj radzimaj», a ŭ hramadzian RB, u tym liku jakija pražyvajuć u Breście, značna źniziŭsia abjom atrymanaj infarmacyi pra padziei ŭ susiedniaj krainie.
«Na fonie tatalnaha infarmacyjnaha zasilla rasijskich telekanałaŭ hety krok bresckich teleapierataraŭ, jakimi b matyvami jany ni kiravalisia, nie moža nie vyklikać abhruntavanych padazreńniaŭ u palityčnaj padaplocy hetaha rašeńnia», - ličać aŭtary zajavy.
Ciapier čytajuć
Škołu dla dziaciej ź psichičnymi asablivaściami ŭ Minsku pierarobiać u kadeckaje vučylišča. Da realizacyi išli 18 hadoŭ12
Kamientary