Sustrakajučysia siońnia z udzielnikami IV Jeŭrapiejskaha pravasłaŭna-katalickaha forumu «Relihija i kulturnaja raznastajnaść: vykliki chryścijanskim cerkvam u Jeŭropie», jaki napiaredadni adkryŭsia ŭ Minsku, Alaksandr Łukašenka vykazaŭ zaniepakojenaść maralnaj defarmacyjaj hramadstva.
Hłabalizacyja śvietu, pavodle jaho słoŭ, maje jak stanoŭčyja, tak i niehatyŭnyja nastupstvy. «U mnohich krainach Zachadu adznačajecca maralnaja dehradacyja hramadstva, admova ad chryścijanskich pryncypaŭ marali, razbureńnie siamiejnych ustojaŭ. Kult spažyvalnictva i pahonia za zadavalnieńniami stanoviacca realnymi pahrozami duchoŭnaha vyradžeńnia ludziej i ŭščerbnaj transfarmacyi dziaržaŭ».
«Pabudova novaha śvietaparadku na takich pryncypach biaźlitasna adsiakaje historyka-kulturnyja adroźnieńni narodaŭ, ich biascenny, stahodździami napracavany vopyt u pabudovie siamji i dziaržavy, u asnovach racyjanalnaha žyćciovaha ŭkładu i ŭzajemadziejańnia z pryrodaj i hramadstvam», — zajaviŭ Łukašenka.
«Na žal, maralnyja defarmacyi, jakija prahresirujuć niebyvałymi tempami, nie mahli nie zakranuć i našych ludziej, — dadaŭ jon.
— Pierad biełaruskim hramadstvam stajać takija ž surjoznyja zadačy, jak i pierad luboj jeŭrapiejskaj krainaj: nam nieabchodna ŭmacavańnie marali i vysokaj duchoŭnaści. Nas niepakoić raspaŭsiudžvańnie pjanstva i narkamanii, prablema sacyjalnaha siroctva i inšyja niepryhladnyja źjavy sučasnaści».
Pryjšoŭ čas uspomnić, što mienavita chryścijanski śvietapohlad źjaŭlajecca hałoŭnym kulturaŭtvaralnym faktaram, jaki farmiravaŭ samu jeŭrapiejskuju cyvilizacyju, ličyć Łukašenka.
Pavodle jaho słoŭ, siońnia nivodzin narod, nivodnaja kanfiesija nie mohuć žyć, zamknuŭšysia ŭ sabie, vyrašeńnie mnohich žyćciova važnych pytańniaŭ niemahčyma biez aktyŭnaha ŭdziełu pravasłaŭnych i katolikaŭ. «I toje, što pravasłaŭnaja i katalickaja cerkvy Jeŭropy imknucca sumiesnymi namahańniami arhanizavać pošuk novych form mižchryścijanskaj salidarnaści, — heta vielmi važna i abnadziejvaje», — skazaŭ biełaruski kiraŭnik.
Łukašenka padkreśliŭ, što Biełaruś zastaniecca prychilnaj da mižrelihijnaha miru i nacyjanalnaha spakoju, a taksama zapeŭniŭ udzielnikaŭ forumu ŭ tym, što ŭ ich nikoli ŭ hetym płanie nie budzie pretenzij da biełaruskaha naroda i biełaruskaj dziaržavy.
«My zaŭsiody budziem nadziejnymi susiedziami, partnioram i siabrami dla ŭsich ludziej, jakuju b relihiju jany nie spaviadali, jaki b šlach da chrama jany ni vybirali», — zajaviŭ jon.
U forumie «Relihija i kulturnaja raznastajnaść: vykliki chryścijanskim cerkvam u Jeŭropie» ŭdzielničajuć pradstaŭniki bolš čym 20 krain. Takaja maštabnaja sustreča viadomych bahasłovaŭ, relihijaznaŭcaŭ i fiłosafaŭ pravodzicca ŭ Biełarusi ŭpieršyniu.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB1
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»2929
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»29
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary