Za ŭčynieńnie asabliva ciažkaha złačynstva asudžany 80-hadovy žychar sielskaha nasielenaha punkta Baranavickaha rajona.
Jak paviedamiŭ prakuror adździeła prakuratury Bresckaj vobłaści Ina Pasiuk, jakaja padtrymlivała dziaržaŭnaje abvinavačańnie pa spravie, ranicaj 21 listapada 2013 hoda ŭ dom da 80-hadovaha mužčyny pryjšli dva adnaviaskoŭcy: 77-hadovaja žančyna i 80-hadovy mužčyna. Razam jany raśpili butelku harełki.
«Z pakazańniaŭ žančyny vynikaje, što haspadar doma namiakaŭ joj na blizkija adnosiny. I kali piensijanierka stała sychodzić, toj pačaŭ nanosić joj udary mietaličnaj pałkaj i mietaličnaj kačarhoj u vobłaść hałavy, — raskazała Pasiuk. — Akryvaŭlenuju paciarpiełuju na vulicy ŭbačyli adnaviaskoŭcy. Jany źviarnulisia da miedykaŭ, paśla čaho piensijanierku, jakoj było naniesiena nie mienš za vosiem udaraŭ, dastavili ŭ balnicu».
Kali ŭčastkovy inśpiektar milicyi pryjšoŭ u dom da piensijaniera, to znajšoŭ tam źbitaha hościa. Haspadar doma nanios jamu mietaličnaj kačarhoj i siakieraj 18 udaraŭ pa roznych častkach cieła. Praź siem dzion paciarpieły ad atrymanych traŭm pamior u balnicy.
28 listapada piensijaniera zatrymali. Jaho vina była ŭstanoŭlena i paćvierdžana rečavymi dokazami, pakazańniami śviedak, paciarpiełaj i šeraham ekśpiertyz. Psichijatryčnaja ekśpiertyza ŭstanaviła, što mužčyna pry śviadomaści.
5 červienia sudovaja kalehija pa kryminalnych spravach Bresckaha abłasnoha suda na vyjaznym pasiadžeńni ŭ Baranavičach pryhavaryła jaho da 16 hadoŭ i adnaho miesiaca pazbaŭleńnia voli ŭ kałonii ŭzmocnienaha režymu, pryznaŭšy vinavatym na padstavie pp. 2 i 6 č. 2 art. 139 (zabojstva z asablivaj žorstkaściu zaviedama sastarełaha) i art. 153 (naŭmysnaje pryčynieńnie lohkaha cialesnaha paškodžańnia, što paciahnuła karotkačasovaje rasstrojstva zdaroŭja) Kryminalnaha kodeksa.
Zhodna z pryhavoram z abvinavačanaha spahnana ŭ vyhladzie kampiensavańnia maralnaha ŭronu na karyść dvuch svajakoŭ zahinułaha pa 30 młn. rubloŭ kožnamu.
Padčas papiaredniaha rasśledavańnia i ŭ sudovym pasiadžeńni piensijanier svajoj viny nie pryznaŭ. Raniej jon sudzimy nie byŭ. U domie, dzie było ŭčyniena zabojstva, abvinavačany žyŭ adzin.
Prysud jašče nie nabyŭ zakonnuju moc i moža być abskardžany.
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni19
Kamientary