Napad na pasolstva Rasii ŭ Kijevie «zasłuhoŭvaje asudžeńnia». Ab hetym zajaviŭ ministr zamiežnych spraŭ Biełarusi Uładzimir Makiej 16 červienia, adkazvajučy na pytańni žurnalistaŭ paśla pieramoŭ z kiraŭnikom MZS RF Siarhiejem Łaŭrovym.
«Zrazumieła, što padobnyja avanturnyja pravakacyjnyja dziejańni zasłuhoŭvajuć asudžeńnia. Ukrainski bok uziaŭ na siabie abaviazacielstvy pa zabieśpiačeńni biaśpieki ŭsich dypłamatyčnych ustanoŭ, u tym liku i rasijskaj, u adpaviednaści ź Vienskaj kanviencyjaj (ab dypłamatyčnych znosinach 1961 hoda). Tamu hetyja abaviazacielstvy pavinny vykonvacca», — zajaviŭ Makiej.
Siarhiej Łaŭroŭ u svaju čarhu adznačyŭ, što Rasija zrobić dadatkovyja zachady dla zabieśpiačeńnia biaśpieki svaich dypłamatyčnych pradstaŭnictvaŭ.
Kiraŭnik MZS RF padkreśliŭ, što, u adpaviednaści Vienskaj kanviencyjaj ab dypłamatyčnych znosinach, «hałoŭnuju adkaznaść za harantavańnie biaśpieki dypłamatyčnych misij niasie kraina znachodžańnia».
«Toje biaźmiežža čyniłasia na vačach u palicyi, bolš za toje, u prysutnaści ministra ŭnutranych spraŭ, jaki zamiest taho, kab addać zahad vykarystoŭvać milicyjanieraŭ dla spynieńnia vandalizmu našaha pasolstva, kamientavaŭ situacyju ŭ tym płanie, što, maŭlaŭ, «viadoma, heta niadobra, ale narod aburany». Heta, pa-mojmu, užo nie ministr unutranych spraŭ, a čałaviek, jaki paturaje biesparadkam i prajavam adkrytaha ekstremizmu, dy jašče i z nacysckaj simvolikaj», — adznačyŭ Łaŭroŭ.
Na dumku kiraŭnika MZS RF, usia «tak zvanaja suśvietnaja supolnaść pavinna zapatrabavać ad ukrainskich uład zabiaśpiečyć biaśpieku dypłamatyčnych pradstaŭnictvaŭ: jak rasijskaha, tak i ŭsich inšych», tamu što jon nie vyklučaje padobnych recydyvaŭ.
Nahadajem, viečaram 14 červienia niekalki tysiač čałaviek kala pasolstva RF u Kijevie pierakulvali mašyny dypłamataŭ, zryvali rasijskija ściahi, zakidvali budynak jajkami i zialonkaj, patrabavali ad Rasii spynić umiašańnie va ŭnutranyja spravy Ukrainy, rasijskich dypłamataŭ — pakinuć terytoryju krainy, ad kiraŭnictva Ukrainy — razarvać dypłamatyčnyja adnosiny z RF.
-
«Ja była jak pad hipnozam». Realnyja historyi minčukoŭ, jakich machlary prymusili pradać kvatery — adna sumnaja, druhaja amal ščaślivaja
-
U źlitych fajłach Epštejna ŭspłyła jašče adna biełaruska, madel i žonka futbalista — raskazvajem, što pra jaje viadoma
-
«U vas jość lubimaja pieśnia?» Znajomciesia z Maksatam — samym viadomym stryt-videohrafam Minska
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary