Samsung pradstaviŭ kancept «razumnaha» rovara Smart Bike
Dyzajniery kampanii raspracavali novuju madel Smart Bike, jakaja ŭmieje sinchranizavacca sa smartfonami, što vystupajuć u jakaści navihatara, a taksama lusterka zadniaha vidu.
Rama bajka vyrablena z vyhnutaha aluminiju, što musić źmiakčyć vibracyi pry jaździe. Nad zadnim kołam ŭbudavanaja kamiera, a ŭ samu ramu — moduli Wi-Fi, Bluetooth i firmovy Arduino. Usio heta siłkuje zdymnaja akumulatarnaja batareja. Dadzienyja pra pajezdku pieradajucca naŭprost na smartfon, zamacavany ŭ admysłovym hniaździe na ruli. Tudy ž vyvodzicca malunak z kamiery zadniaha vidu: źnianacku ŭładalnika takoha rovara zaśpieć ŭžo nie atrymajecca.
Čatyry łaziery, zmantavanyja tam ža, u ramie, vydajuć prajekcyju viełasipiednaj darožki pierad piarednim kołam. Zabłudzicca, dy i źbić kahości stanie bolš składana. Uklučajucca jany aŭtamatyčna, pa sihnale telefona, jaki vyrašyŭ, što śviatła dla pajezdki zamała. Samo saboju, zadziejničany i GPS modul. Dadzienyja pra pajezdku, raspracoŭka maršrutu — usio heta nieadkładna źjaŭlajecca na ekranie padłučanaha da Smart Bike smartfona.
Jak paviedamlajuć u Samsung, da rynkavaj realizacyi smart rovaru pakul daloka, prajekt jašče zusim małady. Košt navinki, navat aryjencirovačny, pakul nie nazyvajecca.
Miž tym u Minsku rovaram karystajucca bolš za 400 tys. čałaviek, faktyčna kožny piaty žychar stalicy. U Biełarusi — kala 1,5 młn uładalnikaŭ rovaraŭ, ź ich kala 250 tys. aktyŭna karystajucca imi ŭ paŭsiadzionnym žyćci. Kožny hod biełarusy kuplajuć da 100 tys. rovaraŭ. Niadaŭna źjaviłasia infarmacyja, što praź Biełaruś projdzie maršrut EuroVelo-2, praciahłaść jakoha pa terytoryi RB składzie kala 600 km.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio47
Kamientary