Sudovaja kalehija pa kryminalnych spravach Minskaha haradskoha suda pryhavaryła taksista, jaki stralaŭ u supracoŭnika minskaj DAI padčas zatrymańnia, da trynaccaci z pałovaj hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach uzmocnienaha režymu.
Pra heta BiełaPAN paviedamili ŭ prakuratury Minska.
Abvinavačany — žychar Minska 1961 hoda naradžeńnia, uradženiec Rasii.
Jak vynikaje z materyjałaŭ spravy, 14 kastryčnika minułaha hoda prykładna ŭ 11 hadzin u milicyju pastupiła paviedamleńnie, što na vulicy Kalcova aŭtamašynaj-taksi «Ford» źbity piešachod. Vadziciel ź miesca zdareńnia ŭciok.
Pavodle infarmacyi vidavočcaŭ, adnamu z supracoŭnikaŭ Dziaržaŭtainśpiekcyi ŭdałosia adšukać taksi, u jakim znachodziŭsia pjany vadziciel. Milicyjanier adčyniŭ dźviery, nazvaŭsia, paprasiŭ pakinuć mašynu i pakazać dakumienty. U adkaz ubačyŭ nastaŭleny na jaho pistalet. Zaviazałasia baraćba, i tut prahučaŭ vystrał, kula pralacieła kala hałavy supracoŭnika DAI. Jamu na dapamohu, kab zabrać zbroju, na zadniaje siadzieńnie taksi kinuŭsia prachožy. Adbyŭsia jašče adzin vystrał, paśla hetaha vadziciel byŭ abiazzbrojeny.
Vinu ŭ zachoŭvańni zbroi mužčyna pryznaŭ poŭnaściu, u zamachu na supracoŭnika milicyi — častkova. Kazaŭ, što pistalet — bajavy braŭninh kalibru 9 mm — znajšoŭ kala baka sa śmiećciem, chacieŭ zdać u orhany ŭnutranych spraŭ, ale nie znajšoŭ času. Kali ŭbačyŭ supracoŭnika DAI, vyrašyŭ addać zbroju jamu, a toj jaho niapravilna zrazumieŭ.
Sud pryznaŭ vadziciela taksi vinavatym na padstavie č. 2 art. 295, art. 14 i art. 362 KK.
Pryhavor byŭ abvieščany 29 maja i pakul nie nabyŭ mocy — abvinavačany jaho abskardziŭ.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary