U Biełarusi składskija zapasy vyraśli ŭ mai hetaha hoda za košt pavieličeńnia nierealizavanaj pradukcyi dziaržpradpryjemstvaŭ, śviedčać źviestki aficyjnaj statystyki.
Tak, pa stanie na 1 červienia abjom składskich zapasaŭ u arhanizacyjach, padviedamasnych respublikanskim orhanam dziaržkiravańnia, skłaŭ 90,6% ad miesiačnaha abjomu vytvorčaści (suprać 89,7% na 1 maja).
U arhanizacyjach, padviedamasnych miascovym orhanam ułady, abjom składskich zapasaŭ skłaŭ na 1 červienia 52,8% ad miesiačnaha abjomu pramvytvorčaści (suprać 42,8% na 1 maja). Razam z tym u pryvatnych pradpryjemstvach (u jurydyčnych asob bieź viedamasnaj padparadkavanaści) u mai zafiksavana źnižeńnie ŭzroŭniu składskich zapasaŭ.
Treba adznačyć, što ŭ mai rost składskich zapasaŭ zafiksavany praktyčna va ŭsich halinach biełaruskaj pramysłovaści. Tak, u mašynabudavańni abjom składskich zapasaŭ na 1 červienia składaŭ 268,1% miesiačnaha abjomu pramvytvorčaści (na 1 maja — 260,7%), u drevaapracoŭcy — 102% (98,7%), u charčovaj pramysłovaści — 74,9% (71,5%).
Akramia hetaha, u mai zafiksavany istotny rost składskich zapasaŭ na pradpryjemstvach lohkaj pramysłovaści. Tak, u tekstylnaj i šviejnaj vytvorčaści tavarnyja zapasy ŭ mai vyraśli na 10,4 pracentnaha punkta adnosna da miesiačnaha abjomu vytvorčaści, u abutkovaj halinie abjom składskich zapasaŭ dasiahnuŭ amal čatyrochmiesiačnaha abjomu vytvorčaści.
Nahadajem, z metaj abarony intaresaŭ ajčynnych vytvorcaŭ pramysłovaj pradukcyi z 1 lipienia ŭ Biełarusi prapanoŭvałasia ŭvieści instytut śpiecimparciora i pieradać vyklučnaje prava na ŭvoz mnohich tavaraŭ 12 dziaržaŭnym pradpryjemstvam.
Razam z tym paśla krytyčnych vystupleńniaŭ pradstaŭnikoŭ pryvatnaha biźniesu i publikacyj u srodkach masavaj infarmacyi było pryniata rašeńnie admovicca ad uviadzieńnia instytuta śpiecimparciora.
«Ministerstva pramysłovaści paśla razhladu z zacikaŭlenymi respublikanskimi orhanami dziaržaŭnaha kiravańnia pytańnia pa davańni vyklučnaha prava dziaržavie na ažyćciaŭleńnie impartu šerahu pramysłovych tavaraŭ rabotu pa padrychtoŭcy narmatyŭnaha dakumienta ličyć niemetazhodnaj, uviadzieńnie śpiecimparcioraŭ nadalej nie płanujecca», — havaryłasia ŭ aficyjnym paviedamleńni Minprama.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca16
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary