U Mahilovie 28 červienia prajšło ŭračystaje adkryćcio haradskoj vystavačnaj zały, prymierkavanaje da siońniašniaha śviata horada i 70-hodździa vyzvaleńnia Mahilova i Biełarusi ad niamiecka-fašysckich zachopnikaŭ.
«Adkryćcio vystavačnaj zały zojmie hodnaje miesca ŭ ahulnaharadskoj akcyi 70 dobrych spraŭ, pryśviečanaj 70-hodździu vyzvaleńnia Mahilova i Respubliki Biełaruś ad niamiecka-fašysckich zachopnikaŭ», — zajaviŭ na adkryćci staršynia Mahiloŭskaha harvykankama Uładzimir Cumaraŭ.
Kiraŭniki Mahiloŭskaj abłasnoj i haradskoj viertykali, jakija prysutničali na adkryćci, vykazali padziaku vieteranam za ich podźvih, adznačali važnaść zaviaršeńnia rekanstrukcyi vystavačnaj zały da znamianalnaj daty.
Staršynia Mahiloŭskaha abłvykankama Piotr Rudnik padaryŭ adnamu z udzielnikaŭ vyzvaleńnia Mahilova Leanidu Marozu partret samoha vieterana, vykanany adnym ź miascovych maładych mastakoŭ.
Abnoŭlenaja haradskaja vystavačnaja zała adkryłasia vystavaj «Krynicy natchnieńnia», dzie naviedvalniki mohuć ubačyć niekalki dziasiatkaŭ karcin mahiloŭskich mastakoŭ.
Pavodle śćviardžeńnia Alaksieja Baciukova, dyrektary Muzieja historyi Mahilova, u čyim padparadkavańni znachodzicca vystavačnaja zała, abnoŭlenaje pamiaškańnie ź`iaŭlajecca adnym ź lepšych u Biełarusi dla ekspanavańnia tvoraŭ mastactva.
-
«Mnie strašenna padabajucca kiepskija mužčyny». Śviatłana Kurs raspaviała, jak pisała svaju pieršuju knihu
-
«Ništo tak nie zaachvočvaje pisać, jak nuda». 50 hadoŭ tamu pamierła Ahata Kryści. Jak pisała heta hienijalnaja žančyna?
-
Biełaruska paluje na tradycyjnyja samatkanyja pościłki va ŭsioj krainie — pahladzicie, kolki ekspanataŭ jana ŭžo vykupiła ŭ babul FOTY
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary