U Biełarusi płanujecca stvaryć navukova-technałahičny kłastar pa vytvorčaści 3D-pryntaraŭ. Pra heta paviedamiŭ pieršy namieśnik staršyni Prezidyuma Nacyjanalnaj akademii navuk Siarhiej Čyžyk.
Pa słovach Siarhieja Čyžyka, u Biełarusi jość usie ŭmovy dla taho, kab raźvivać 3D-druk i arhanizavać vytvorčaść novych pryntaraŭ i raschodnych materyjałaŭ.
«My možam pryjści na rynak 3D-druku, i navat na vielmi mocnyja pazicyi, tamu što ŭ hetaj vobłaści jość jašče prastora dla dziejańniaŭ. Pryntary, što jość, nie daskanałyja, i treba pryŭnieści jašče šmat novych idej dla taho, kab zrabić ich dastupnymi, abstalavać šyrokim dyjapazonam funkcyj i, hałoŭnaje, značna pavysić jakaść «drukavanych» vyrabaŭ», — skazaŭ jon. Na jaho dumku, ciapier jość usie mahčymaści dla raspracoŭki udaskanalenych madelaŭ 3D-pryntaraŭ.
«My ŭ hetaj śfiery možam pryŭnieści vielmi mnohaje i svoječasova zapatentavać», — skazaŭ Siarhiej Čyžyk.
Pavodle jaho słoŭ, ciapier nieabchodna vyznačycca, na bazie jakoha materyjału buduć pracavać pryntary. U Biełarusi ŭžo jość adpaviednyja napracoŭki. Čyžyk taksama dadaŭ, što dla takich pryład patrebna vysokadakładnaja technika, śpiecyjalnaje prahramnaje zabieśpiačeńnie.
3D-pryntary možna budździe vykarystoŭvać, naprykład, u pratypiravańni vyrabaŭ, mikrasensorycy, budaŭnictvie, dla stvareńnia indyvidualnaha abutku.
Siarhiej Čyžyk padkreśliŭ: ciapier važna źviarnuć uvahu na postindustryjalnyja haliny.
«Navuka pavinna dapamahčy ŭvajści ŭ postindustryjalnuju płyń, a heta raźvićcio bijatechnałohij, farmaceŭtyki, nanatechnałohij ź pierachodam na nanaindustryi, IT-technałohii», — skazaŭ jon.
U Biełarusi zaraz z 3D-pryntarami aktyŭna pracujuć takija vytvorčaści, jak «Pielenh», «Atłant», MTZ. Zakupili ŭstanoŭki DNVA paraškovaj mietałurhii, Minski haradski technapark, «Biełteks Optyk», «Aeramaš», VZEP i mnohija inšyja —
siońnia ŭ krainie funkcyjanuje kala 30 prafiesijnych pryład.
Takija ŭstanoŭki majuć BDU, BNTU, Viciebski i Homielski techničnyja univiersitety.
Minsk siońnia viečaram pahruziŭsia ŭ ciemru. Paśla zahadu Łukašenki48
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary