Kryminalnaja sprava za chulihanstva raspačata ŭ dačynieńni da 17-hadovaha žychara Hrodna.
Jak paviedamili va UUS Hrodzienskaha abłvykankama, niepryjemnaja historyja adbyłasia 27 červienia z maładoj nastaŭnicaj adnoj sa škoł Hrodna. Prykładna ŭ 21.45 jana viartałasia damoŭ, kala padjezda jaje padkaravulvaŭ nieviadomy małady čałaviek. Zatym jon pajšoŭ za joju ŭ padjezd, dzie spačatku prademanstravaŭ 25-hadovaj nastaŭnicy pałavyja orhany, a potym nakinuŭsia na jaje i pavaliŭ na ziamlu. Ci było heta sprobaj zhvałtavańnia, budzie ŭstanoŭlena ŭ vyniku pravierki, jakuju praviadzie śledstva, adnak dziaŭčyna nie razhubiłasia, zdoleła vyrvacca i vyklikać milicyju.
Jaho zatrymali, heta byŭ 17-hadovy chłopiec, jaki nie pracuje i nie vučycca, raniej byŭ sudzimy za anałahičnaje złačynstva.
Ustanoŭlena taksama, što niezadoŭha da napadu na nastaŭnicu padazravany vyhladaŭ 11-hadovuju dziaŭčynku, jakaja hulała ŭ dvary adna
Milicyja źviartaje ŭvahu hramadzian na toje, što takija złačynstvy čaściej za ŭsio ŭčyniajucca letam-vosieńniu.
Na dumku psichołahaŭ, na hety pieryjad prypadaje abvastreńnie ŭ ludziej z takimi seksualnymi dzivactvami. Asabliva ŭ viačerni čas varta prajaŭlać pilnaść, źviartać uvahu na padazronych hramadzian, nie pakidać dziaciej biez dohladu, paźbiahać ciomnych i pustynnych miescaŭ.
Kamientary