Ukraina nie zmoža vyzvalić lotčycu Nadzieju Saŭčanku, jakaja ŭtrymlivajecca ŭ Varoniežskim SIZA.
Takuju zajavu zrabiŭ aficyjny pradstaŭnik Śledčaha kamiteta Rasii (SKR) Uładzimir Markin u intervju radyjostancyi «Hovorit Moskva».
«Takija ž šancy jak u jaho (Parašenki) stać prezidentam Amieryki», — skazaŭ Markin, adkazvajučy na adpaviednaje pytańnie. Akramia taho, jon zajaviŭ, što Kijeŭ nie źviartaŭsia da Maskvy z prośbaj vyzvalić Saŭčanku.
Raniej prezident Ukrainy Piatro Parašenka nazvaŭ lotčycu «simvałam baraćby za Ukrainu» i paabiacaŭ zrabić usio mahčymaje, kab viarnuć jaje na radzimu. «My nie supakoimsia da taho času, pakul nie budziem mieć mahčymaść paviedamić mamie Nadziei, što ź jaje dačkoj, hieraičnaj Nadziejaj Saŭčankaj usio ŭ paradku», — zajaviŭ Parašenka.
Nadzieja Saŭčanka znachodzicca ŭ Varoniežskim SIZA. Jaje abvinavačvajuć u datyčnaści da zabojstva žurnalistaŭ VHTRK pad Łuhanskam.
Sud padoŭžyŭ jaje aryšt da 30 žniŭnia. Pa dadzienych SKR, Saŭčanku zatrymali paśla taho, jak jana niezakonna zajechała na terytoryju Rasii biez dakumientaŭ pad vyhladam uciakački.
Pavodle śledstva, lotčyca 17 červienia ŭ čas bajoŭ pad Łuhanskam daviedałasia kaardynaty miescaznachodžańnia zdymačnaj hrupy VHTRK i pieradała ich svaim kamandziram. U vyniku minamiotnaha abstrełu zahinuli hukaapieratar Anton Vałošyn i karespandent Ihar Karnialuk.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary