U bližejšyja 10 hadoŭ kampanija «MakDonalds» u Biełarusi płanuje pabudavać 28 restaranaŭ u Minsku i va ŭsich abłasnych centrach. Ab hetym paviedamiła kirujučy dyrektar kampanii Viktoryja Dańko siońnia ŭ Viciebsku ŭ chodzie cyrymonii adkryćcia pieršaha rehijanalnaha restarana sietki.
Pavodle słoŭ Viktoryi Dańko, na hetym etapie raźvićcia kampanii pryjarytet budzie addavacca ŭźviadzieńniu abjektaŭ u stalicy. Heta vyklikana tym, što dziejučyja minskija restarany pracujuć ź vialikim napružańniem, absłuhoŭvajučy ŭ hod nie mienš za 1,3 młn naviedvalnikaŭ. Razam z tym paśla adkryćcia restarana ŭ Viciebsku kampanija pradoŭžyć ekspansiju ŭ rehijony, maje namier pabudavać abjekty ŭ kožnym abłasnym centry, chacia infarmacyja ab tym, jaki horad budzie nastupnym, pakul nie vydajecca. Akramia taho, pavodle słoŭ Viktoryi Dańko, «MakDonalds» u Biełarusi trymaje ŭ poli zroku i mahčymaści budaŭnictva restaranaŭ u rajonnych centrach, naprykład u Oršy, Salihorsku, Mazyry.
Za 17 hadoŭ raboty restarany «MakDonalds» u Minsku absłužyli kala 180 młn naviedvalnikaŭ. Abjom inviestycyj kampanii ŭ Biełarusi za hety ž pieryjad pieravysiŭ $25,7 młn, u biudžety roznaha ŭzroŭniu pieraličana bolš za Br733 młrd padatkaŭ i zboraŭ, u tym liku za 2013 hod — Br173, 5 młrd.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary