Pavodle papiarednich źviestak heta nie terakt. Prosta ciahnik rezka spyniŭsia. Spačatku mierkavali, što ŭ vyniku skačkoŭ napruhi ŭ elektrasietcy i spracoŭvańnia sihnalizacyi.
Paśla źjaviłasia inšaja viersija: miechaničnaje paškodžańnie vuzła macavańnia kołavaj kalaski z vahonam ciahnika.
Ad hetaha vahony syšli z rejek. 16 čałaviek zahinuli. Kolkaść achviaraŭ raście, bolš za 50 čałaviek trapili ŭ špitali ŭ ciažkim stanie. Usiaho było paraniena bolš za 120 asobaŭ.
Zdareńnie adbyłosia a 07:39 minskaha času na pierahonie pamiž stancyjami «Park Pieramohi» i «Słavianski bulvar». Ciapier ruch ad stancyi «Kijeŭskaja» da stancyi «Maładziožnaja» spynieny.
Avaryja adbyłasia praz 15—20 siekund paśla taho, jak ciahnik kranuŭsia sa stancyi, raspavioŭ RT śviedka.
«Paśla avaryi my pačali vybiracca ź ciahnika, była panika. My vyłamali dźviery, — raspavioŭ jon. — Ciahnik syšoŭ z rejek, na padłozie była dzirka, vialikaja defarmacyja. Mužčyny pačali łamać dźviery. My prajšli i ŭbačyli rabočych, jakija budavali paralelny tunel».
Pasažyram dapamahli vybracca rabočyja, naviersie dapamohu im akazali supracoŭniki ekstrannych słužbaŭ: «My vyjšli praz vychad dla rabočych. Nas padniali na lifcie i akazali pieršuju dapamohu».
«Byŭ husty dym, dychać niama čym. Byli paranienyja, na padłozie była kroŭ — hałavy raźbityja, ruki złamanyja.
Z nami čałaviek 40 vyjšła. Potym pryjechali supracoŭniki MNS i stali prybirać ciahnik».
Vidavočca raspavioŭ, što pieršy vahon ciahnika «byŭ ŭśmiatku»:
«Kali my sprabavali złamać dźviery našaha vahona, adbyłasia niejkaja ŭspyška, i pajšoŭ dym. Pažaru my nie bačyli. Spačatku była panika, ale potym usio supakoilisia. Pieršy vahon byŭ zacisnuty, a zadnija vahony adčapili. Pieršy vahon byŭ ŭśmiatku».
Inšy śviedka padziej — Alaksandr Zahnibieda — napisaŭ u svaim Facebook, što ŭdar byŭ takoj siły, što jaho adkinuła na inšy kaniec vahona.
Vidavočca napisaŭ, što pačałasia panika, valiŭ dym. Pasažyry vyjšli ŭ tunel i, źniaŭšy zaharody, pranikli na placoŭku mietrostroja. «Stolki trupaŭ… Ludziej biez prytomnaści. Vyjści było niama kudy.
Znajšli prajom, jaki byŭ zakryty blachaj, armaturaj i toŭstymi kabielami. Źbili małatkom armaturu, vydavili blachu.
Akazałasia — heta vychad na budplacoŭku mietrostroja», — rastłumačyŭ Alaksandr.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary