Ukrainskija vytvorcy pavinny być hatovyja da poŭnaha abmiežavańni handlu z Rasijaj u dvuchbakovym farmacie, praz što jany mohuć atrymać straty ad źnižeńnia ekspartu ŭ abjomie kala 5 młrd dołaraŭ.
«Moj prahnoz: treba rychtavacca da taho, što ŭ nas budzie praktyčna poŭnaje abmiežavańnie handlu z Rasijaj u dvuchbakovym farmacie», — zajaviŭ premjer-ministr Ukrainy Arsienij Jacaniuk 18 lipienia. Jacaniuk padkreśliŭ, što ŭ situacyi, kali zachodnija krainy ŭvodziać sankcyi suprać Rasii i abmiežavańni ŭ dvuchbakovym handli, majuć straty dla svaich krain, niapravilna z ukrainskaha boku «dumać, što jano ŭsio i tak projdzie».
«Ja razumieju, što Rasija — heta nie adziny rynak u śviecie, kudy ŭkrainskaja pradukcyja pavinna pastaŭlacca. Urad hatovy zrabić usio, kab my za karotki termin dyviersifikavali rynak zbytu», — adznačyŭ premjer-ministr Ukrainy.
Jacaniuk taksama paviedamiŭ, što ŭžo ciapier mnohija ŭkrainskija kampanii paśpiachova vychodziać na inšyja rynki zbytu, zarablajuć, nie pastaŭlajučy pradukcyju ŭ Rasiju.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary