Adnaho ź lidaraŭ baranavickich pradprymalnikaŭ abvinavacili ŭ arhanizacyi niesankcyjanavanaha mitynhu.
U Baranavičach 21 lipienia adbyłosia sud nad adnym ź lidaraŭ pradprymalnikaŭ horada.
Sud pryznaŭ Mikałaja Čarnavusa vinavatym u arhanizacyi niesankcyjanavanaha mierapryjemstva i zaličyŭ jamu administracyjnaje spahnańnie ŭ pamiery 30 bazavych vieličyń (4.500 000 rubloŭ).
Pryčynaj sudovaha razboru pasłužyli padziei 1 lipienia, kali bolšaść baranavickich ipešnikaŭ prypynili svaju pracu, pratestujučy suprać ukaza prezidenta № 222 ab abaviazkovaj siertyfikacyi tavaraŭ.
Kab adstajać svaje pravy, pieršaha lipienia bolšaść pradprymalnikaŭ začynili svaje ralety i sabralisia ŭ centry rynku. Schod padoŭžyŭsia kala hadziny, paśla čaho pradprymalniki adpravilisia ŭ harvykankam, dla abmierkavańnia prablemy «abaviazkovaj siertyfikacyi» z čynoŭnikami. Kiraŭnictva na sustreču da pradprymalnikaŭ nie vyjšła. Pa čystaj vypadkovaści IP patrapili ŭ aktavuju zału, dzie samastojna praviali schod.
Na nastupny dzień, 2 lipienia, Mikałaj Čarnavus byŭ zatrymany. Na praciahu piaci hadzin u adździaleńni milicyi na jaho składali pratakoł. Pradprymalnika abvinavacili ŭ arhanizacyi niesankcyjanavanaha mierapryjemstva pa art. 23.24 častka 3 Kodeksa ab administracyjnych pravaparušeńniach. U adździaleńni Čarnavusu, invalidu II hrupy, stała drenna. Chutkuju dapamohu milicyjanty vyklikali tolki paśla taho, jak mužčynu źmiaścili ŭ izalatar, dzie ŭ jaho zdaryŭsia hipiertaničny kryz. Čarnavusa špitalizavali ŭ haradskuju balnicu pad achovaj milicyjantaŭ.
3 lipienia kala 30 baranavickich pradprymalnikaŭ sabralisia la HAUS z patrabavańniem vyzvalić Mikałaja Čarnavusa. Uviečary jon byŭ vyzvaleny z-pad varty i praciahnuŭ lačeńnie ŭ ahulnaj pałacie.
U minułym Čarnavus užo dvojčy pryciahvaŭsia da adkaznaści pa hetym ža artykule, abodva razy na jaho nakładvali spahnańnie (abodva razy sprava skančałasia štrafam).
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary