Viečaram lider hurtu «Neuro Dubel» Alaksandar Kullinkovičsustreŭsia va ŭpravie Partyi BNF sa svaimi prychilnikami i fanatami. «Nas nia ŭdasca skarystać. My vialikija i razumnyja chłopčyki», — kaža jon.
«Za hetyja dva dni na nas vylili viadro h…a, pryčym rabili heta ludzi, jakija jašče ŭčora nibyta źjaŭlalisia našymi addanymi fanatami. Ja i siońnia skažu, što Pralaskoŭski całkam adekvatny čałaviek, a nia niejki tam čort z rahami. Niachaj na mianie i kryŭdziacca za hetyja słovy. My pieramahli, bo dyjaloh prapanavali mienavita ŭłady, a nia my prypaŭźli da ich na kaleniach. Sustreča adbyvałasia z asabistaj inicyjatyvy Łukašenki. My adrazu skazali, što ničoha pad ichnym ściaham rabić nia budziem, bo naš ściah — bieł‑čyrvona‑bieły. Pierad sustrečaj ja stajaŭ kala ŭvachodu ŭ siadzibu pad bieł‑čyrvona‑biełym ściaham i adčuvaŭ realny honar za krainu. I navat toj fakt, što ja siońnia pryjšoŭ da vas śviedčyć, što my nikomu nie pradalisia», — skazaŭ A.Kullinkovič.
Lider «Neuro Dubel» taksama paviedamiŭ, što zaŭtra maje namier iznoŭ patelefanavać Alehu Pralaskoŭskamu.
«Ja vystuplu ź inicyjatyvaj kancertaŭ «Cukierki i dzieci». My ich užo pravodzili hady try nazad, hrošy z vystupaŭ išli na padarunki dzieciam ź dziciačych damoŭ. Ciapier ja chaču arhanizavać niešta padobnaje. Lavon [Volski] taksama daŭ svaju zhodu na takija vystupy. Mnie baluča i kryŭdna, što mianie nazvali zdradnikam faktyčna na pustym miescy. Nas nie atrymajecca skarystać, bo my vialikija i razumnyja chłopčyki».
Kamientary