U aeraporcie Dziusieldorfa aŭtamabili buduć parkavać robaty
Naviedvalniki aeraporta niamieckaha horada Dziusieldorf ciapier mohuć skarystacca śpiecyjalnaj rabatyzavanaj parkoŭkaj, jakaja pazbaŭlaje ad pošuku volnaha miesca na parkoŭcy.
Tak, kiroŭcu dastatkova tolki zajechać u śpiecyjalnuju parkovačnuju zonu i atrymać tałon, potym robat samastojna padymie mašynu i adviazie jaje na svabodnaje miesca dla parkoŭki, aptymalna raźmiaściŭšy aŭtamabili tak, kab jany zajmali minimalnuju płošču. A kali ŭładalnik aŭtamabila vierniecca, robat viernie mašynu na parkovačnuju zonu, što vyklučaje častyja vypadki, kali vyjezd aŭtamabila akazvajecca zabłakavany inšymi aŭto.
Košt takoj parkoŭki nie adroźnivajecca ad koštu zvyčajnaj, na jakoj pracujuć ludzi. A kiraŭniki kampanii, jakaja vyrablaje robataŭ, zajaŭlajuć, što jany dazvalajuć vyrašyć prablemu ź niedachopam parkovačnych miescaŭ. Sistema nie tolki raźmiaščaje aŭtamabili ź minimalnymi zazorami, ale i aptymizuje raźmiaščeńnie aŭtamabilaŭ u zaležnaści ad ich typu, što dazvalaje «ŭščylnić» parkoŭku na 40%.
Akramia taho, anałahičnaja sistema moža dazvolić raźmiaščać aŭtamabili na śpiecyjalnych «stełažach» adzin nad adnym, što daść mahčymaść značna pavysić kolkaść aŭtamabilaŭ na adnoj i toj ža płoščy.
Kamientary