Leanid Kraŭčuk, pieršy prezydent Ukrainy, prakamentavaŭ paviedamleńni, što Biełaruś moža stać placoŭkaj dla pieramovaŭ u spravie ŭrehulavańnia kryzysu na ŭschodzie Ŭkrainy.
«Toje, što ja čytaŭ u ŚMI, i mieŭ infarmacyju ad słužbovych asobaŭ tut, to tam napisana tak: «Biełaruś moža stać miescam praviadzieńnia sustrečy». Heta aznačaje, što Łukašenka nia budzie ŭdzielničać jak pasiarednik, jon tolki daje svaju terytoryju. A chto budzie ŭdzielničać u pieramovach — heta pytańnie. Kali heta budzie Pucin, Parašenka i, naprykład, Barozu, niechta z Eŭraźviazu, z ABSE, to ja padtrymlivaju pieramovy ŭ takim farmacie dzie zaŭhodna, akramia krain, jakija nia mohuć pryniać takuju sustreču z abjektyŭnych abstavin.
Na maju dumku, Biełaruś moža być takim miescam. Tut jość i histaryčnyja paraleli. U svoj čas Biełaruś stała miescam razvału Savieckaha Sajuzu, tam była padpisanaja Biełavieskaja damova. Mahčyma, zaraz Biełaruś stanie miescam, dzie budzie ŭmacavanaja niezaležnaść krain i spynienaja ahresija spadara Pucina. Heta była b symbaličnaja i znakavaja padzieja.
Ale kali havorycca pra niejkuju kantaktnuju hrupu, pra ludziej, jakija nia majuć nijakich paŭnamoctvaŭ i ničoha nie padpisvajuć, a tolki zajaŭlajuć, što jany chočuć mieć Danieckuju narodnuju respubliku i Łuhanskuju narodnuju respubliku, i ničoha nie vyrašajuć, bo jany pa svajoj pryrodzie specpryznačency, zasłanyja z Rasiei, to nam niama čaho razmaŭlać sa «šnurkami». Nam treba razmaŭlać z tymi, chto vyrašaje. A heta spadar Pucin».
Apytanka
Ciapier čytajuć
Što viadoma pra byłoha palitviaźnia Sakałoŭskaha, jaki pamior u Bierlinie ŭ 47 hadoŭ1
Kamientary