Na sajcie MZS RF uviečary 30 lipienia źjaviŭsia kamientar u suviazi z uviadzieńniem ES treciaha etapu sankcyj suprać Rasii.
MZS RF abvinavačvaje ES u adsutnaści palityčnaj voli i žadańnia da vychadu z kryzisu va Ukrainie. Maskvie soramna za ES, jaki pramaŭlaje «hołasam Vašynhtona».
«Usio, što adbyvałasia — šmat u čym śledstva biezadkaznych rašeńniaŭ samoha Jeŭrasajuza, jaki paturaje ciapierašnim kijeŭskim uładam. ES pa sutnaści daŭ im kart-błanš na «umirotvorienije» krainy», — havorycca ŭ kamientary.
«Soramna za Jeŭrasajuz, jaki paśla doŭhich pošukaŭ ułasnaha «adzinaha hołasa» zahavaryŭ hołasam Vašynhtona, praktyčna adkinuŭšy bazavyja jeŭrapiejskija kaštoŭnaści, u tym liku prezumpcyju nievinavataści», — dadali ŭ MZS RF.
Rasijskija dypłamaty ličać, što palityka ES «zaraz nie hruntujecca na pravieranych faktach, a pišacca pad dyktoŭku z Vašynhtona ŭ pierapynkach pamiž prahladami sumniŭnych rolikaŭ ź JUTuba».
«U Maskvie rasčaravanyja niazdolnaściu ES hrać samastojnuju rolu ŭ suśvietnych spravach.
Jeŭrasajuz, zdajecca, hatovy iści na surjoznyja ekanamičnyja vydatki dziela realizacyi sumnieŭnych hieapalityčnych schiemaŭ, pryčym nie svaich», — zajavili ŭ viedamstvie Łaŭrova.
MZS RF zajaviŭ, što ekanomiki Rasii i Jeŭrasajuza — «sazłučanyja sasudy», i raspačaty Brusielem pierachod da «treciaj chvali» sankcyj adabjecca na ekanamičnaj situacyi ŭ EC nie ŭ mienšaj stupieni, jak u Rasii».
«Sa ździŭleńniem ŭsprymajem rašeńnie ab uviadzieńni embarha na handal z Rasijaj zbrojaj i vajennym abstalavańniem.
U adroźnieńnie ad Kijeva, u dačynieńni da jakoha padobnyja abmiežavańni, naadvarot, byli niadaŭna źniatyja, Rasija va ŭzbrojenym kanflikcie va Ukrainie nie ŭdzielničaje», — zapeŭnivaje MZS RF.
Kamientary