I zima, i leta stanoviacca ciaplejšymi.
Jak źmianiłasia nadvorje ŭ Biełarusi za apošnija dziesiacihodździ, raspavioŭ načalnik Biełhidramieta Siarhiej Chilman na «Radyjo-Minsk».
«Za apošnija 37 hadoŭ, z 1988 hoda, siaredniehadavaja tempieratura pavietra ŭ krainie pavysiłasia prykładna na 2 hradusy. Štodzionnyja nazirańni i statystyčnyja pakazčyki siaredniasutačnaj tempieratury pakazvajuć, što na praciahu hetych dziesiacihodździaŭ adnaznačna idzie paciapleńnie.
Chałodny pieryjad u nas ciapleje ŭ siarednim na 0,6 hradusa za 10 hadoŭ. Tempieratura letniaha pieryjadu padnimajecca pavolniej — prykładna na 0,5 hradusa»,
— patłumačyŭ Chilman.
Nakont pryčyn paciapleńnia viaducca sprečki: adny ličać jaho naturalnaj źjavaj, inšyja vinavaciać va ŭsim antrapahiennuju dziejnaść čałavieka.
«Što tyčycca apadkaŭ, to my bačym, što ŭ źmiašanaj fazie kolkaść apadkaŭ pryblizna adnolkavaja: u letni pieryjad daždžy stanoviacca bolš karotkimi, ale intensiŭnymi».
Kamientary
A jakija zmieny nasamreč ? Kantrasty pavialičylisia.