Samaabvieščanyja Danieckaja i Łuhanskaja narodnyja respubliki na pieramovach u Minsku zaklikali Kijeŭ pryznać ich asablivy status i ŭ abmien na vykanańnie ich patrabavańniaŭ abiacajuć prykłaści maksimum vysiłak dla zachavańnia adzinaj prastory Ukrainy.
Pradstaŭniki Danieckaj i Łuhanskaj narodnych respublik u paniadziełak abnarodavali pieramoŭnuju pazicyju dźviuch «respublik» pierad sustrečaj kantaktnaj hrupy pa ŭrehulavańni ŭkrainskaha kryzisu ŭ Minsku.
«Raŭnapraŭnyja pieramovy źjaŭlajucca adzinym prymalnym dla narodnych respublik sposabam vyrašeńnia kanfliktu i adnaŭleńnia miru… Prezident, urad i Viarchoŭnaja rada Ukrainy pavinny pryniać u adpaviednaści z ducham i litaraj Ženieŭskich damoŭlenaściej zakanadaŭčyja akty, jakija harantujuć … pryznańnie Ukrainaj asablivaha statusu terytoryj, jakija kantralujucca narodnymi respublikami», — havorycca ŭ dakumiencie.
«U vypadku pryniaćcia vyšejzhadanych zakanadaŭčych harantyj pry paručycielstvie ES i Rasii narodnyja respubliki sa svajho boku harantujuć, što prykładuć maksimum namahańniaŭ dla padtrymańnia miru, zachavańnia adzinaj ekanamičnaj, kulturnaj da palityčnaj prastory Ukrainy i ŭsioj prastory Ruska-Ukrainskaj cyvilizacyi. U vypadku spynieńnia bratazabojčaj vajny i ŭ metach vykanańnia ŭziatych na siabie ŭ chodzie pieramovaŭ abaviazacielstvaŭ narodnyja respubliki buduć paćviardžać hetyja harantyi šlacham pryniaćcia nieabchodnych dla vykanańnia ŭziatych abaviazacielstvaŭ zakonaŭ, aktaŭ i dekłaracyj», — zajaŭlaje kiraŭnictva samaabvieščanych respublik.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ33
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ3
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3030
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»30
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary