Zhodna ź jeŭrapiejskimi rekamiendacyjami pa sardečna-sasudzistaj prafiłaktycy, akružnaść talii ŭ žančyn nie pavinna pieravyšać 80 sm, u mužčyn — 94 sm.
Ab hetym paviedamiła siońnia žurnalistam viadučy navukovy supracoŭnik łabaratoryi arteryjalnaj hipiertanii RNPC «Kardyjałohija» Volha Paŭłava.
Jak viadoma, na raźvićcio sardečna-sasudzistych zachvorvańniaŭ ŭpłyvajuć atłuścieńnie i cukrovy dyjabiet. Tamu važna pravilna charčavacca i nie dapuskać zališniaj masy cieła. Śpiecyjalisty adznačajuć, što arteryjalnaja hipiertenzija raźvivajecca ŭ 6 razoŭ čaściej ŭ tych asob, chto nie sočyć za svaim charčavańniem. Kab źnizić ryzyku zachvorvańnia, treba admovicca ad škodnych zvyčak i pavialičyć fizičnuju aktyŭnaść. Ryzyka sardečna-sasudzistych zachvorvańniaŭ pavialičvajecca i pry pasiŭnym kureńni. Vierahodnaść zachvareć u tych ludziej, chto znachodzicca ŭ adnym pamiaškańni z čałaviekam, jaki palić, uzrastaje na 30%. Pa dadzienych SAAZ, bolš za try čverci ŭsich śmierciaŭ ad sardečna-sasudzistych zachvorvańniaŭ možna było b praduchilić, źmianiŭšy ład žyćcia.
Pa słovach hałoŭnaha pazaštatnaha dziciačaha kardyjareŭmatołaha Ministerstva achovy zdaroŭja Iryny Čyžeŭskaj, u Biełarusi adznačajecca rost zachvorvańnia arteryjalnaj hipiertenzijaj siarod dziaciej i padletkaŭ. Takich dziaciej i padletkaŭ za apošnija 10 hadoŭ stała ŭ piać razoŭ bolš. Na kardyjałahičnym ŭliku ŭ Biełarusi staić kala 52 tys. dziaciej i padletkaŭ.
U Biełarusi bolš za 1,9 młn žycharoŭ pakutujuć na arteryjalnuju hipiertenziju, pałova ź ich — ludzi pracazdolnaha ŭzrostu. Bolš za 1,23 młn pacyjentaŭ znachodziacca na dyspansiernym uliku.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT18
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary