U Rasii prachodzić adziny dzień hałasavańnia: jaŭka maskvičoŭ pakul nie pieravysiła 13%
U Rasii ŭ niadzielu, 14 vieraśnia, prachodzić adziny dzień hałasavańnia. U 30 rehijonach vybirajuć hubiernataraŭ, u 14 — rehijanalnyja parłamienty, u troch stalicach subjektaŭ RF — meraŭ.
Pavodle dadzienych na 15:00, jaŭka vybarščykaŭ na vybarach u Maskoŭskuju hardumu VI sklikańnia skłała 12,79%. «Napeŭna, heta z-za nadvorja», — adznačyŭ Staršynia Masharvybarkama Valancin Harbunoŭ na pres-kanfierencyi, jon taksama vykazaŭ zdahadku, što na aktyŭnaść vybarščykaŭ paŭpłyvali zatory na ŭjezdach u horad.
Jak zaŭvažaje «Doždž», zahružanaść staličnych daroh, pavodle siervisu «Jandeks. Zatory», aceńvajecca ŭ adzin bał. Pavodle siervisu «Jandeks. Nadvorje», u horadzie plus dziesiać hradusaŭ, pachmurna.
Na «Karcie parušeńniaŭ», jakuju viadzie asacyjacyja «Hołas», zafiksavali bolš za 100 parušeńniaŭ.
Na adnym učastku dziažuryła pjanaja žančyna-palicejski, a na ŭčastku ŭ stalinskaj hmachu, na špili jakoha rufier Mustanh vyviesiŭ ukrainski ściah, raspranulisia ŭkrainki. U KPRF zajavili, što kala stancyi mietro «Lermantaŭski praśpiekt» zatrymali «karusielščykaŭ».
«Hołas» taksama zafiksavaŭ niezvyčajna vialikuju kolkaść vybarščykaŭ, jakija hałasavali daterminova ŭ papiarednija dni ŭ Pieciarburhu (jon lidyruje pa kolkaści parušeńniaŭ), Nižaharodskaj i Samarskaj abłaściach.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary