Abvieščanyja naminanty na premiju Sacharava, siarod ich — aktyvisty «Jeŭramajdana»
Stali viadomyja imiony pretendentaŭ na premiju imia Sacharava «Za svabodu dumki». Ab hetym paviedamlajecca na sajtie Jeŭraparłamienta.
Siamiora naminantaŭ byli abranyja palityčnymi hrupami i deputatami Jeŭraparłamienta. 7 kastryčnika kamitet JEP pa pravach čałavieka abiare troch finalistaŭ. Łaŭreat premii budzie vyznačany 16 kastryčnika. Cyrymonija ŭznaharodžańnia zapłanavanaja na 26 listapada.
U skład naminantaŭ uklučany «Jeŭramajdan», jaki vyłučyli pradstaŭnik Jeŭrapiejskaj narodnaj partyi Jacek Saryjuš-Volski (Polšča) i jašče 52 deputata.
Pa rašeńni parłamientaryjaŭ, Jeŭramajdan pradstaŭlajuć ukrainskija hramadskija aktyvisty Mustafa Najem, Rusłana Łyžyčka, Taćciana Čarnavił i Lizavieta Ščapiatylnikava.
Siarod astatnich naminantaŭ: zabity ŭ Iraku prafiesar, jaki ŭstupiŭsia za chryścijan, Machmud Al-Asali; aktyvist u Maroka Muad Biełhuat; repier z Tunisa Ała Jakobi; jehipiecki błohier Ała Abdel Fatach; arhanizacyja CHREDO; niderłandski palityk i siabra Narodnaj partyi za svabodu i demakratyju Ajaan Ali Chirsi, kanhalezski hiniekołah Denis Mukviehe i pravaabaronca z Azierbajdžana Łejła Janus.
Jak viadoma, hrašovy fond premii Sacharava składaje 50 tys. jeŭra.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary