Straty ŭkrainskaha vojska za čas ATA mohuć składać 2000 asob, z rasijskaha boku zahinuła suvymierna
Ahulnyja straty ŭkrainskich siłavikoŭ padčas praviadzieńnia antyterarystyčnaj apieracyi ź siaredziny maja mohuć skłaści kala 2 tys. čałaviek.
Pra heta paviedamiŭ u efiry prahramy «Šuster Live» na «Pieršym nacyjanalnym» namieśnik kiraŭnika Dnieprapiatroŭskaj abłdziaržadministracyi Śviatasłaŭ Alejnik.
«Nami praviedziena rasśledavańnie, u vyniku jakoha my naličyli 1336 sudova-miedycynskich ekśpiertyz zahinuŭšych, praviedzienych u Dnieprapiatroŭskaj, Zaparožskaj, Charkaŭskaj i Danieckaj abłaściach», — skazaŭ jon.
Namieśnik kiraŭnika Dnieprapiatroŭskaj abłdziaržadministracyi ŭdakładniŭ, što havorka idzie ab asabistym składzie Uzbrojenych sił Ukrainy, dobraachvotnickich bataljonaŭ i śpiecbataljona MUS.
Akramia taho, pa słovach Alejnika, pošukavyja hrupy ciapier pravodziać vyšuk i zbor ciełaŭ zahinuŭšych u rajonie Starabiešava, Amvrosijeŭki, Iłavajska i Savur-Mahiły. Pavodle jaho acenak, ahulnaja kolkaść sabranych ciełaŭ moža dasiahnuć 500-600.
Alejnik taksama padkreśliŭ, što straty bajevikoŭ i rasijskich vajskoŭcaŭ «nie mienšyja, a, chutčej za ŭsio, bolšyja».
Jon taksama nie zmoh nazvać kolkaść zahinuŭšych siarod cyvilnaha nasielnictva, adznačyŭšy tolki, što «niekatoryja nasielenyja punkty ŭ Danieckaj i Łuhanskaj abłaściach całkam razburanyja i faktyčna spynili svajo isnavańnie».
Kamientary