U Vieniesuele raspaŭsiudžvajecca nieviadomy virus, Madura vinavacić apazicyju
Prezident Vieniesueły Nikałas Madura zajaviŭ ab prybyćci ŭ krainu ekśpiertaŭ u halinie bakteryjałahičnaj vajny. Vystupajučy ŭ niadzielu pa telebačańni, jon znoŭ vykazaŭ padazreńni, što «fašysckaja apazicyja» mieła namier vykarystoŭvać niejki virus, kab pasiejać paniku siarod nasielnictva.
«Idzie mižnarodnaja vajna, tavaryšy i suajčyńniki, meta jakoj - pastavić Vieniesuełu na kaleni, adnak zrabić heta nie ŭdasca», — skazaŭ prezident. Pavodle jaho słoŭ, u Vieniesuełu «ŭžo prybyli daktary z usich kancoŭ śvietu, u tym liku z brackaj Kuby, kab vyśvietlić, što sprabavali zrabić u štacie Arahua fašysckija pravyja siły».
Na minułym tydni Madura zajaviŭ, što padazraje pravyja siły ŭ sprobach «ukaranić niejki virus u centralnuju balnicu horada Marakaj, kab pačać bakteryjałahičnuju vajnu».
Jon adznačyŭ, što «siarod tych, chto sprabavaŭ napałochać narod dziŭnym zachvorvańniem, stajać tyja ž ludzi, jakija arhanizoŭvali biesparadki ŭ pačatku hoda».
Raniej hubiernatar štata Arahua Tarek El Ajsami abvierh infarmacyju ab źjaŭleńni nieviadomaha śmiarotnaha zachvorvańnia, ad jakoha nibyta pamierli niekalki čałaviek, jakija znachodzilisia na lačeńni ŭ centralnaj balnicy horada Marakaj.
Hubiernatar nazvaŭ infarmacyjnym teraryzmam paviedamleńni ab tym, što ŭ hetym miedycynskim centry za troje sutak pamierli vosiem čałaviek, u jakich byli adnolkavyja simptomy: vysokaja tempieratura, plamy na skury, jakija pieratvarajucca ŭ puchiry, i ŭnutranyja krovaźlićci.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ66
Kamientary