Punkt propusku «Pryvałka» na miažy Biełarusi ź Litvoj adkryŭsia paśla rekanstrukcyi

Mižnarodny aŭtadarožny punkt propusku «Pryvałka» na miažy Biełarusi ź Litvoj adkryŭsia paśla rekanstrukcyi.

Pavialičyć

Jak paviedamili ŭ pres-słužbie Dziaržaŭnaha mytnaha kamiteta, raboty pa rekanstrukcyi pačalisia ŭ 2010 hodzie i pravodzilisia za košt srodkaŭ biełaruskaha biudžetu. Pry hetym budaŭnictva viałosia faktyčna biez prypynieńnia pracy samoha punkta propusku.

Kardynalna źmieniena infrastruktura punkta propusku, stvorany ŭmovy dla pracy supracoŭnikaŭ mytni i rabotnikaŭ sumiežnych słužbaŭ (vieterynarnaj, fitasanitarnaj), pahraničnaj słužby, RUP «Biełmytniaservis», rabotnikaŭ strachavych arhanizacyj, bankaŭskich rabotnikaŭ.

Punkt propusku asnaščany najnoŭšym abstalavańniem u častcy zabieśpiačeńnia suviazi, videanazirańnia, aŭdyjamanitorynhu, što dazvolić abjektyŭna aceńvać dziejańni jak supracoŭnikaŭ mytni, tak i asob, jakija pierasiakajuć miažu. U pryvatnaści, ustanoŭleny sučasny siervier z abjadnanaj łakalnaj sietkaj, śviatłafornaje rehulavańnie ruchu, sistema hučnaha apaviaščeńnia, sistema radyjacyjnaha kantrolu. 

Dziakujučy ŭkaranieńniu ŭ pracu punkta afarmleńnia novych prahramnych srodkaŭ kantrolu čas na prachodžańnie miažy budzie skaročany da minimumu. Idzie pastajannaja praca pa asvajeńni novych techničnych srodkaŭ, jakija pavialičać chutkaść afarmleńnia i dazvolać vieści 100-pracentny ŭlik transpartnych srodkaŭ i asob (sistema sčytvańnia numaroŭ i sistema videanazirańnia), jakija pieramiaščajucca praź miažu. 

Jak zaznačajuć u DMK, vialikaja praca praviedziena pa ŭdaskanaleńni pracedur afarmleńnia. U PMA ŭkaranionaja i dziejničaje sistema analizu i kiravańnia ryzykami, u asnovu jakoj pakładzieny zbor, nazapašvańnie i apracoŭka infarmacyi, realizavana sistema zialonaha i čyrvonaha kalidoraŭ.

Prapusknaja zdolnaść punkta pavialičana bolš čym u try razy i zaraz składaje 1.000 aŭtamabilaŭ u sutki: heta 570 lehkavych, 400 hruzavych aŭtamabilaŭ, a taksama 30 aŭtobusaŭ. 

Razam z zakančeńniem rekanstrukcyi abjektaŭ na terytoryi pasta, u miežach Prahramy tranśmiežavaha Jeŭrapiejskaha instrumienta dobrasusiedstva i partniorstva «Łatvija — Litva — Biełaruś» u niepasrednaj blizkaści ad punkta propusku zaviaršajucca budaŭničyja raboty pa ŭstanoŭcy stacyjanarnaha inśpiekcyjna-nadhladnaha kompleksu dla skaniravańnia transpartu. Zdača abjekta płanujecca ŭ listapadzie 2014 hoda.

• 0
• 0
• 0
• 0
• 0
• 0
• 0
• 0