Čytač «Našaj Nivy» paviedamiŭ, što ŭ 65-j aŭtamabilnaj bryhadzie ŭ Žodzinie (v/č 28729) adbyłosia masavaje atručvańnie žaŭnieraŭ.
30 vajskoŭcaŭ adčuli siabie drenna ŭ niadzielu 21 vieraśnia.
«Usio pačałosia jašče ŭ niadzielu ŭviečary. My, jak zvyčajna, schadzili na viačeru, i praź niekalki hadzin niekatorym z nas zrabiłasia błaha. Usiu noč našy chłopcy biehali ŭ prybiralniu vanitavać. Niekatorych dajmaŭ panos. Ranicaj u paniadziełak u niekatorych padniałasia tempieratura da 38. 28 čałaviek adrazu adpravili ŭ sančastku, jakaja ŭsio papaŭniajecca. Nam zabaranili zvalnieńni i naviedvańni vajskoŭcaŭ zaraz dazvalajucca tolki bieź ježy», — paviedamiŭ adzin z vajskoŭcaŭ, što prachodzić słužbu ŭ hetaj častcy.
Hetuju infarmacyju paćvierdziła «NN» svajačka jašče adnaho žaŭniera terminovaj słužby.
Chłopiec raskazaŭ, što pałova z chvorych sałdat znachodzicca na lačeńni ŭ miedsančastcy. Jon taksama dadaŭ, što, na jahonuju dumku, vajskoŭcy atrucilisia adnoj z baćkoŭskich pieradač, jakuju razam spažyvali.
Ministerstva abarony admaŭlaje fakt chvaroby vajskoŭcaŭ.
«Hetaja infarmacyja absalutna nie adpaviadaje rečaisnaści», — paviedamiŭ «Našaj Nivie» pres-sakratar ministerstva Uładzimir Makaraŭ.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja39
Kamientary