U Minsku buduć vyrablać nizkapadłohavy haradski tramvaj «Miacielica» FOTA
Na mižnarodnaj vystavie «Inatrans-2014», što prachodzić sioleta ŭ Bierlinie, šviejcarskaja kampanija Stadler Rail Group prezientavała adnu sa svaich apošnich inavacyjnych raspracovak — dośledny ŭzor nizkapadłohavaha haradskoha tramvaja, pryznačanaha dla šyrokaj kalainy.
Madel nazyvajecca «Miacielica». Tramvaj raspracavany i budzie vyrablacca na niadaŭna stvoranym daččynym pradpryjemstvie kampanii AAT «Štadler Minsk». Novaja madel dastupnaja ŭ adnakabinnym i dvuchkabinnym varyjantach i pryznačanaja dla ekspłuatacyi pierš za ŭsio ŭ krainach SND.
Trochvahonny tramvaj ź nizkaj padłohaj vyznačajecca vialikaj pasažyraŭmiaščalnaściu i padychodzić dla chutkasnych maršrutaŭ jak u horadzie, tak i na rehijanalnych linijach. Varyjant z adnoj kabinaj dla vahonavažataha ŭmiaščaje 70, a ź dźviuma — 60 miescaŭ dla siadzieńnia. Maksimalnaja chutkaść, jakuju raźvivajuć abiedźvie madyfikacyi, składaje 75 km/hadz.
«Miacielica» abstalavanaja sistemaj videa- i aŭdyjainfarmavańnia pasažyraŭ, a taksama videanazirańniem, sučasnaj vysokapradukcyjnaj sistemaj pavietranaha kandycyjanavańnia i aciapleńnia. Maje asobnyja zony dla invalidnych kresłaŭ, viełasipiedaŭ i dziciačych kalasak. Zona dla invalidnaha kresła apcyjanalna abstaloŭvajecca remieniem biaśpieki i suviaźziu z vahonavažatym, a pasadka i vysadka z tramvaja ŭ takim vypadku ažyćciaŭlajecca za košt ručnych adkidnych uvachodnych trapaŭ.
Kanstrukcyja kabiny vadziciela adpaviadaje patrabavańniam biaśpieki standartu EN 15227, što źmianšaje paškodžańni ŭ vypadku sutyknieńnia. Cialežki zabiaśpiečvajuć płaŭnaść chodu, a taksama zaściarohu ad schodu z rejak na čyhunačnych puciach nizkaj jakaści.
Ciapier čytajuć
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1111
Kamientary