Paŭła Vinahradava adpuścili z Maskoŭskaha RUUS z prapanovaj «jechać u Bierazino»
Aktyvist moładzievaha kryła «Zmiena» kampanii «Havary praŭdu» Pavieł Vinahradaŭ adpuščany z Maskoŭskaha RUUS Minska.
Jak paviedamiŭ aktyvist paśla vyzvaleńnia, u jaho dačynieńni składzieny pratakoł pa art. 17.3 KaAP (raśpićcio ałkaholnych, słabaałkaholnych napojaŭ ci piva ŭ hramadskim miescy abo źjaŭleńnie ŭ hramadskim miescy ci na pracy ŭ stanie apjanieńnia) i nakładzieny štraf u vosiem bazavych vieličyń (1,2 młn rubloŭ).
2 kastryčnika Vinahradaŭ, za jakim ustanoŭleny previentyŭny nahlad, syšoŭ adznačacca ŭ kryminalna-vykanaŭčaj inśpiekcyi Maskoŭskaha rajona i nie viarnuŭsia dadomu. Paźniej jaho žonka paviedamiła, što aktyvist zatrymany za administracyjnaje pravaparušeńnie.
Sam Vinahradaŭ raspavioŭ, što ŭ inśpiekcyi ź im sprabavali pravieści prafiłaktyčnuju razmovu: «Moj inśpiektar pastaviŭ mnie ultymatum: albo ty, Paša, pierajazdžaješ u Bierazino, dzie žyvie baćka, albo ty jedzieš łajacca matam. Ja skazaŭ, što ŭ Bierazino jechać, pa mienšaj miery zaraz, admaŭlajusia, moža być potym. Hutarka ŭ nas nie adbyłasia».
Paśla hetaha jaho adviali da načalnika kryminalna-vykanaŭčaj inśpiekcyi Mikałaja Łužynskaha. «Akramia ŭsiaho inšaha jon spytaŭ u mianie, dzie Zavadski (žurnalist Źmicier Zavadski, jaki źnik uletku 2000 hoda). Ja adkazvaju: nie viedaju. Na što jon kaža: voś i žonka tvaja chutka budzie adkazvać, što nie viedaje, dzie Paša. Ja ŭ jaho pacikaviŭsia, ci pahroza heta. Jon kaža: nie, heta papiaredžańnie», — raspavioŭ Vinahradaŭ.
Noč jon pravioŭ u dziažurnaj častcy Maskoŭskaha RUUS. Z pratakołam Vinahradaŭ byŭ aznajomleny 3 kastryčnika. Pa słovach aktyvista, u dakumiencie skazana, što jon znachodziŭsia kala budynka RUUS u niećviarozym stanie.
Ciapier čytajuć
Ministr suviazi: Abmiežavańni mabilnaha internetu zakranuć 1,7 miljona biełarusaŭ15
Kamientary