Hramadski aktyvist Andrej Kašeŭski atrymaŭ 15 sutak za majku «Svabodu palitźniavolenym»
Hramadski aktyvist Andrej Kašeŭski pryhavorany sudom Savieckaha rajona Minska da 15 sutak administracyjnaha aryštu.
Jak paviedamlaje pravaabarončy sajt spring96.org, Kašeŭski byŭ zatrymany 9 kastryčnika kala staličnaha CUMa. Na im była majka z nadpisam «Svabodu palitźniavolenym», na jakoj taksama byli pieraličany proźviščy biełaruskich viaźniaŭ sumleńnia.
Na Kašeŭskaha byli składzieny try pratakoły ab administracyjnych pravaparušeńniach: pa art. 17.1 (drobnaje chulihanstva), art. 23.34 (niesankcyjanavanaje masavaje mierapryjemstva) i art. 23.4 (niepadparadkavańnie supracoŭnikam milicyi). Da suda, jaki adbyŭsia 10 kastryčnika, aktyvista pakinuli va ŭčastku.
U znak pratestu suprać sudovaha rašeńnia Kašeŭski pravodzić akcyju maŭčańnia.
Pravaabaroncy paviedamlajuć, što heta treciaja sioleta administracyjnaja sprava suprać Kašeŭskaha. Aprača taho, jaho dvojčy źmiaščali ŭ Respublikanski centr psichičnaha zdaroŭja ŭ Navinkach.
Zaznačym, što apazicyjnyja i pravaabarončyja arhanizacyi adznačajuć sistematyčnaje vykarystańnie ŭładami previentyŭnych zatrymańniaŭ aktyvistaŭ u Biełarusi napiaredadni važnych hramadskich padziej. U suviazi z bolš častymi advolnymi zatrymańniami i aryštami apazicyjnych aktyvistaŭ 15 kastryčnika ŭ Minsku adbudziecca pres-kanfierencyja, na jakoj pravaabaroncy abjaviać ab praviadzieńni adpaviednaj kampanii.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj51
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary