Z hetaje nahody 27 śniežnia adbudziecca čarhovaje pasiedžańnie Arhkamitetu pa śviatkavańni 90‑ch uhodkaŭ BNR.
Užo amal paŭhodu, ź lipienia 2007 h., jak dziejničaje Ahulnanacyjanalny arhkamitet pa śviatkavańni 90-ch uhodkaŭ BNR. Arhkamitet zasnavali viadomyja hramadska‑palityčnyja dziejačy, piśmieńniki, mastaki, a taksama najbujniejšyja hramadskija arhanizacyi Biełarusi («Zhurtavańnie biełarusaŭ śvietu «Baćkaŭščyna», TBM, Sajuz biełaruskich piśmieńnikaŭ dy inš.). Ačoliła Arhkamitet staršynia Rady BNR Ivonka Surviłła, sustaršyniami abranyja Hienadź Buraŭkin, Radzim Harecki, Alaksiej Maračkin. Za hety čas da Arhkamitetu dałučylisia šerah viadomych biełaruskich palityčnych i hramadskich dziejačaŭ, a taksama partyj i ruchaŭ ‑‑ partyja BNF, niezarehistravanyja ruch «Za Svabodu», «Chryścijanskija demakraty».
27 śniežnia adbudziecca čarhovaje pasiedžańnie Arhkamitetu pa śviatkavańni 90‑ch uhodkaŭ BNR. Na im planujecca razhledzić plan dziejnaści na ŭvieś hod, sfarmavać rabočyja hrupy pa zaćvierdžanych raniej kirunkach (hramadska‑palityčny, infarmacyjny, adukacyjny, kulturna‑aśvietny, mižnarodny).
Buduć abmierkavanyja zvaroty, u tym liku da dziaržaŭnych orhanaŭ Biełarusi, ab abviaščeńni nastupnaha hoda — Hodam biełaruskaj dziaržaŭnaści. Paśla kančatkovaha ŭzhadnieńnia sa staršynioj Arhkamitetu zvaroty buduć nakiravanyja ŭ adpaviednyja dziaržaŭnyja i mižnarodnyja struktury.
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni34
Kamientary