З гэтае нагоды 27 сьнежня адбудзецца чарговае паседжаньне Аргкамітэту па сьвяткаваньні 90‑х угодкаў БНР.
Ужо амаль паўгоду, зь ліпеня 2007 г., як дзейнічае Агульнанацыянальны аргкамітэт па сьвяткаваньні 90-х угодкаў БНР. Аргкамітэт заснавалі вядомыя грамадска‑палітычныя дзеячы, пісьменьнікі, мастакі, а таксама найбуйнейшыя грамадскія арганізацыі Беларусі («Згуртаваньне беларусаў сьвету «Бацькаўшчына», ТБМ, Саюз беларускіх пісьменьнікаў ды інш.). Ачоліла Аргкамітэт старшыня Рады БНР Івонка Сурвілла, сустаршынямі абраныя Генадзь Бураўкін, Радзім Гарэцкі, Аляксей Марачкін. За гэты час да Аргкамітэту далучыліся шэраг вядомых беларускіх палітычных і грамадскіх дзеячаў, а таксама партый і рухаў ‑‑ партыя БНФ, незарэгістраваныя рух «За Свабоду», «Хрысціянскія дэмакраты».
27 сьнежня адбудзецца чарговае паседжаньне Аргкамітэту па сьвяткаваньні 90‑х угодкаў БНР. На ім плянуецца разгледзіць плян дзейнасьці на ўвесь год, сфармаваць рабочыя групы па зацверджаных раней кірунках (грамадска‑палітычны, інфармацыйны, адукацыйны, культурна‑асветны, міжнародны).
Будуць абмеркаваныя звароты, у тым ліку да дзяржаўных органаў Беларусі, аб абвяшчэнні наступнага года — Годам беларускай дзяржаўнасці. Пасля канчатковага ўзгаднення са старшынёй Аргкамітэту звароты будуць накіраваныя ў адпаведныя дзяржаўныя і міжнародныя структуры.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары