Łukašenka: Niekatoryja ministry ŭ nas dapracavalisia da taho, što ŭ ich dzieci žyvuć u ZŠA
Alaksandr Łukašenka zajaviŭ, što nikoli nie hulaŭ u tajamnicy z narodam jak pry vyrašeńni ekanamičnych prablem, tak i pry pryniaćci kadravych rašeńniaŭ.
Pra heta jon zajaviŭ siońnia pry spravazdačy ŭrada, Nacyjanalnaha banka ab rabocie ekanomiki za 2014 i prahnozie na 2015 hod.
«Viedaju, što napiaredadni hetaj narady i ŭ srodkach masavaj infarmacyi, i ŭ našym hramadstvie, zrazumieła, kimści śpiecyjalna padymajucca asobnyja pytańni, kab pačuć z maich vusnaŭ adkazy na ich. Niekatoryja pytańni abjektyŭna isnujuć, tajamnic nijakich niama. Ja ich nikoli nie rabiŭ, i mnie niama nieabchodnaści hulać u niejkija tajamnicy z narodam: ad vyrašeńnia ekanamičnych prablem da kadravych», — skazaŭ kiraŭnik dziaržavy.
Alaksandr Łukašenka adznačyŭ, što kadravaje pytańnie chvaluje ŭsich.
«Ja zaŭsiody zahadzia ŭsich papiaredžvaŭ: usio budzie zaležać ad taho, jak toj ci inšy čalec urada, hubiernatar, pamočnik napružvajucca, pracujuć i jakija vyniki dajuć, — skazaŭ Łukašenka. — Buduć vyniki — budzie praca. Nie budzie vynikaŭ — vy taksama viedajecie, što mahčyma».
«Niekatoryja ŭ nas ministry dapracavalisia da taho, što ich dzieci pastajanna žyvuć u Złučanych Štatach Amieryki i navučajucca tam, a jany refarmujuć našu sistemu adukacyi. Zrazumieła, što budzie ad hetych reformaŭ», — adznačyŭ kiraŭnik dziaržavy.
Alaksandr Łukašenka taksama dadaŭ, što jon naŭskidku skazaŭ ab prablemach, jakija isnujuć siońnia pa kadravych pytańniach.
Čytajcie taksama: Syn ministra Maskieviča žyvie ŭ ZŠA.
Apytanka
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary