Pa zakančeńni matču ryžskich i minskich dynamaŭcaŭ, u jakim hości sastupili 1:4, biełaruskija fanaty, što prybyli na hulniu ŭ stalicu Łatvii, prykładna na čverć hadziny zabłakavali vyjezd z «Areny-Ryha» aŭtobusa z chakieistami minskaha kłuba, patrabujučy vychadu kapitana kamandy Alaksieja Kalužnaha.
Spačatku rolu parłamienciora ad kłuba pryniaŭ hienieralny mieniedžar «zubroŭ» Uładzimir Bieražkoŭ, ale paźniej da jaho ŭsio taki dałučyŭsia i Kalužny.
U chodzie prykładna 5-chvilinnaha dyjałohu Alaksieja z tarsidaj jon pasprabavaŭ pierakanać zaŭziataraŭ pastavicca da časovych prablemaŭ kamandy, što sastupiła ŭ čatyroch matčach zapar, z razumieńniem.
«Zrazumiejcie, što ŭ kožnaha kłuba ŭ chodzie siezona byvajuć ŭźloty i kryzisy. Viedaju, pra što kažu, ja byŭ čempijonam. Dyk voś u adzin z čempijonskich hadoŭ maskoŭskaje «Dynama» na niejkim adrezku sastupiła ŭ 11 matčach zapar. I ŭsio roŭna ŭziało zołata! Vyznačcie delehaty ad zaŭziataraŭ, chaj naviedaje raspranalniu. I ŭbačyć, kolki ciapier našych hulcoŭ vychodziać na lod zabintavanyja i zatejpavanyja, na ŭkołach. Šmat kamu naohuł pa miedycynskich pakazańniach ciapier nielha hulać. Ale jany hulajuć. I vaša padtrymka zaraz dla nas asabliva važnaja…» — skazaŭ Kalužny.
Za čas impravizavanaha bryfinhu Kalužnaha aŭtobus z kamandaj zdoleŭ taki vybracca na vulicu i adbyŭ razam z kapitanam u ryžski hatel. Tolki Uładzimir Bieražkoŭ zastaŭsia i jašče prykładna piatnaccać chvilin adkazvaŭ na nabalełyja pytańni prychilnikaŭ «zubroŭ».
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak12
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary