Па заканчэнні матчу рыжскіх і мінскіх дынамаўцаў, у якім госці саступілі 1:4, беларускія фанаты, што прыбылі на гульню ў сталіцу Латвіі, прыкладна на чвэрць гадзіны заблакавалі выезд з «Арэны-Рыга» аўтобуса з хакеістамі мінскага клуба, патрабуючы выхаду капітана каманды Аляксея Калюжнага.
Спачатку ролю парламенцёра ад клуба прыняў генеральны менеджар «зуброў» Уладзімір Беражкоў, але пазней да яго ўсё такі далучыўся і Калюжны.
У ходзе прыкладна 5-хвіліннага дыялогу Аляксея з тарсідай ён паспрабаваў пераканаць заўзятараў паставіцца да часовых праблемаў каманды, што саступіла ў чатырох матчах запар, з разуменнем.
«Зразумейце, што ў кожнага клуба ў ходзе сезона бываюць ўзлёты і крызісы. Ведаю, пра што кажу, я быў чэмпіёнам. Дык вось у адзін з чэмпіёнскіх гадоў маскоўскае «Дынама» на нейкім адрэзку саступіла ў 11 матчах запар. І ўсё роўна ўзяло золата! Вызначце дэлегаты ад заўзятараў, хай наведае распранальню. І ўбачыць, колькі цяпер нашых гульцоў выходзяць на лёд забінтаваныя і затэйпаваныя, на ўколах. Шмат каму наогул па медыцынскіх паказаннях цяпер нельга гуляць. Але яны гуляюць. І ваша падтрымка зараз для нас асабліва важная…» — сказаў Калюжны.
За час імправізаванага брыфінгу Калюжнага аўтобус з камандай здолеў такі выбрацца на вуліцу і адбыў разам з капітанам у рыжскі гатэль. Толькі Уладзімір Беражкоў застаўся і яшчэ прыкладна пятнаццаць хвілін адказваў на набалелыя пытанні прыхільнікаў «зуброў».
-
Трэнер, які прывёў клуб да срэбра ў чэмпіянаце Беларусі, будзе трэніраваць каманду з пятага дывізіёна першынства Польшчы
-
Форвард мінскага «Дынама» Дылан Дзюбэ і яшчэ чатыры хакеісты прызнаныя невінаватымі па справе аб сэксуальным гвалце
-
Галоўны трэнер «Нёмана» выканаў дзіўны танец пасля перамогі ў матчы Лігі канферэнцый
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню60
Каментары