Andreja Bandarenku na dva miesiacy źmiaścili ŭ kamieru ŠIZA pa jahonaj prośbie
Asudžanaha pravaabaroncu Andreja Bandarenku pa jaho zajavie źmiaścili ŭ kamieru štrafnoha izalatara (ŠIZA). Tam jon budzie znachodzicca dva miesiacy.
Pra heta sajtu ucpb.org paviedamiŭ baćka asudžanaha Valeryj Bandarenka, jaki ŭčora ŭviečary atrymaŭ list ad syna z papraŭčaj kałonii № 2 u Babrujsku (Mahiloŭskaja vobłaść).
«Takoje rašeńnie pryniata načalnikam kałonii ŭ jakaści prymianieńnia mier biaśpieki, - kaža Valeryj Bandarenka. - Pakolki było niekalki incydentaŭ, jakija mahli pieraraści ŭ kanflikt, što, naturalna, pryviało b da parušeńnia z boku Andreja. Kab paźbiehnuć hetaha jon napisaŭ zajavu, kab jaho źmiaścili ŭ kamieru ŠIZA. Pa rasparadžeńni načalnika kałonii tam jon budzie znachodzicca dva miesiacy. Andrej spyniŭ haładoŭku. Dla jaho prymajuć pieradačy «. Bandarenka byŭ źmieščany ŭ ŠIZA 12 listapada.
Jak skazaŭ Valeryj Bandarenka, 27 kastryčnika adzin ź źniavolenych u babrujskaj kałonii zajaviŭ synu, što źniavolenym viadoma pra jaho znachodžańnie ŭ adnoj kamiery ŭ vieraśni 2010 hoda z čałaviekam ź nizkim, pa kryminalnych mierkach, statusam, z «adsadžanym». Tamu jon sam ciapier taki i za ahulny stoł u stałovaj sieści nie maje prava - tolki za stoł z asudžanymi z takim ža statusam. U adkaz na heta Andrej Bandarenka prychodziŭ u stałovuju, nie sieŭ ni za adzin z stałoŭ i zajaŭlaŭ, što jeści nie choča. «Apuskacca da brydoty ja nie budu», - pieradaŭ słovy Andreja Bandarenka jaho baćka.
Mieć znosiny z Bandarenka asudžanym zabaroniena pad pahrozaj pakarańnia, raspaviadaŭ baćka pravaabaroncy.
Nahadajem, 12 žniŭnia sud Kastryčnickaha rajona Minska pryznačyŭ byłomu dyrektaru pryvatnaj infarmacyjna-aśvietnickaj ustanovy «Płatforma inavejšn» Andreju Bandarenku pakarańnie ŭ vyhladzie čatyroch hadoŭ pazbaŭleńnia voli ŭ kałonii ŭzmocnienaha režymu, ale za košt amnistyi termin byŭ skaročany da troch hadoŭ. Bandarenka pryznany vinavatym u ździajśnieńni chulihanstva, złosnaha chulihanstva i asabliva złosnaha chulihanstva.
Ciapier čytajuć
Analityk Hienštaba, jaki malavaŭ kartu «adkul rychtavałasia napadzieńnie», apynuŭsia ŭ SIZA KDB za pracu na ŭkrainskuju raźviedku12
Kamientary