Pad Kijevam vyprabavali novyja ŭkrainskija broniemašyny KOZAK-2014 FOTA
Dla ŭkrainskich vajskoŭcaŭ płanujuć zamović partyju broniemašyn ŭkrainskaha vytvorčaści KOZAK-2014.
Pra heta ŭ svaim Facebook napisaŭ ministr unutranych spraŭ Arsen Avakaŭ.
«Novy braniavik ad ŭkrainskaha vytvorcy — na padychodzie! Novy KOZAK 2014 — rabočaja nazva pavodle «Praktyki». Na zaśniežanym palihonie ŭ Novych Pietroŭcach praviali vyprabavańnie apošniaj viersii pratatypa — pierad sieryjnym vypuskam. Uzbrojenyja siły, Nachvardyja i Pahraničnaja słužba — u hety marozny dzień sabralisia na vyprabavańni. Całkam ŭkrainskaja inžynieryja, u partniorstvie ź italjanskim IVECO. Pakul dźvie viersii liniejki broniemašyn. U pracy bolš», — adznačyŭ jon.
«Mašyny prajšli test drajv. U zaviaršeńni vyprabavańniaŭ byli rasstralanyja z 50-ci mietraŭ aŭtamatami 5.45, 7.62, kulamiotam, SVD. Abarona trymaje — i brania i škło! Test zdadzieny! Razam z hienierałami i bajcami, jakija byvali na pieradavoj — skłali pieralik zaŭvah i dapaŭnieńniaŭ da apošniaha pratatypu», — padkreśliŭ Avakaŭ.
«U sieradu abmiarkujem zamovu pieršaj testavaj sieryjnaj partyi dla sieryjnaj vytvorčaści i vyprabavańniaŭ u bajavych umovach — i prymiem rašeńnie nakont vialikaj zamovyje ŭ čatyroch varyjantach madyfikacyj i typaraźmieraŭ z roznym naboram ŭzbrajeńnia i kampanoŭki abarony», — padsumavaŭ kiraŭnik MUS.
Ciapier čytajuć
Zahinuŭ biełaruski dobraachvotnik Alaksiej Łazaraŭ2
Kamientary