Alesinu vystavili abvinavačańni ŭ špijanažy, ale mohuć vyzvalić pa stanie zdaroŭja. Razam ź im pa spravie prachodzić dypłamat
«Siońnia da nas zvanili «adtul» [majecca na ŭvazie Kamitet dziaržbiaśpieki — «Naša Niva»]. Paviedamili, što baćku vystaŭlenaje abvinavačańnie pa artykule 356 «Zdrada dziaržavie» i 356 častka 1 «Vydača dziaržaŭnaj tajny zamiežnaj dziaržavie, zamiežnaj arhanizacyi ci pradstaŭniku, albo špijanaž», - paviedamiła «Našaj Nivie» dačka Alesina Volha.
Pavodle hetaha artykułu praduhledžana źniavoleńnie na termin ad 7 da 15 hadoŭ.
Razam z Alesinym abvinavačańnie vysunutaje suprać dypłamata adnoj z krain. Svajaki nie viedajuć, što heta za čałaviek. Tym nie mienš, viadoma, što jon nie znachodzicca ŭ źniavoleńni, bo abaronieny dypłamatyčnym imunitetam. «Nam paviedamili, što baćka nie źjaŭlajecca asnoŭnym fihurantam spravy», - kaža Volha.
Svajaki pakul nie majuć infarmacyi ab tym, ci sustrakaŭsia z Alaksandram Alesinym advakat, jany nie padtrymlivajuć nijakaj suviazi ź dziaržaŭnym abaroncam.
«Siońnia ja spytałasia ŭ supracoŭnika KDB, ci možam my naniać svajho advakata. Na što jon adkazaŭ, što pakul u hetym niama nijakaha sensu, bo, mahčyma, tatu vyzvalać pad padpisku ab niavyjeździe pa stanie zdaroŭja». Volha Alesina kaža, što jaje baćka maje prablemy z sercam.
Stała dakładna viadoma, što zatrymańnie Alesina adbyłosia 25 listapada ŭ adnoj z kaviarniaŭ u centry Minska. «U toj samy dzień supracoŭniki śpiecsłužbaŭ pryjazdžali da nas dadomu, praviali pieratrus, paprasili sabrać rečy».
Alaksandr Alesin — unikalny dla Biełarusi vajskovy analityk. Jahonaje mierkavańnie časta hučyć na staronkach ŚMI i kanfierencyjach. Apošnija hady jon pracavaŭ u haziecie «Biełorusy i rynok».
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio47
Kamientary